სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    მარი ჩიტაია
    26.12.2013

    ზამთრის სეზონს საქართველოს სამთო-სათხილამურო კურორტები არათანაბარ პირობებში ხვდებიან. ყველაზე მეტი აქტიურობა შეიმჩნევა გუდაურში, სადაც სასტუმროების უმეტესობა აპრილამდეა დაჯავშნული. შემკვეთების უმეტესობა არიან უცხოელი ტურისტები, რომლებმაც საახალწლოდ გუდაურის სასტუმროებში ადგილები ჯერ კიდევ ნოემბერში დაჯავშნეს.

    მარიამ აფციაური
    26.12.2013

    "ბელავია" ახალ 2014 წელს სიახლეებით შეხვდება. რამდენიმე თვის წინათ ავიაპარკს ორი თვითმფრინავი დაემატა. გარდა ამისა, მოხდა ახალი ბაზრის, ვილნიუსის მიმართულების ათვისება. როგორც "რეზონანსს" ავიაკომპანიის დირექტორმა ვახტანგ მეზურნიშვილმა განუცხადა, ფრენა ამჟამად კვირაში სამჯერ ხორციელდება. 2014 წლის პირველი კვარტალიდან კი სიხშირე გაიზრდება და რეისები ყოველდღიურად შესრულდება.

    მარი ჩიტაია
    25.12.2013

     საწვავის ფასი ლარის კურსის ვარდნის გამო იზრდება. ეს დაადასტურეს როგორც ნავთობკომპანიების, ასევე საქართველოს ხელისუფლების წარმომადგენლებმა. რადგან ეროვნული ვალუტა გაუფასურებას განაგრძობს, ნავთობპროდუქტების შემდგომ გაძვირებასაც უნდა ველოდოთ.

    მარი ჩიტაია
    25.12.2013

    რაიონებში მცხოვრები მოსახლეობა განსაკუთრებულ თადარიგს იჭერს, რომ წინასაახალწლოდ სარფიანად ივაჭროს. ვინც მეტი მოსავალი მიიღო, რეალიზაციისთვის დედაქალაქის აგრარულ ბაზრებს ირჩევს, ზოგი უახლოეს სავაჭრო ობიექტებში ყიდის და ზოგიც - ადგილზე. სამეგრელოში ყველაზე მეტი რაოდენობის ხალხი სიმინდს, რძის ნაწარმსა და ხორცეულს ყიდის, გურიაში იმედს ციტრუსზე ამყარებენ; იმერეთში მოსახლეობა ჩირის, თაფლისა და ყველის რეალიზაციას აპირებს; რაჭველებიც ჩირის, ნიგვზისა და ხორცეულის გაყიდვას ცდილობენ, კახელები ღვინოსა და ჩურჩხელების მარაგს ადგილზეც ყიდიან და დედაქალაქშიც ჩამოაქვთ.

    მაკა ხარაზიშვილი
    24.12.2013

    დამსაქმებლებმა ზეგანაკვეთური შრომის ანაზღაურებაზე თავის ასარიდებლად გამოსავალი იპოვეს. ისინი ხელფასებს ამცირებენ და ზეგანაკვეთური თანხის დამატებისას ზუსტად იმდენს იხდიან, რამდენსაც მანამდე იხდიდნენ. დასაქმებული კი სამსახურის დაკარგვის შიშით ხმას ვერ იღებს.

    ელზა წიკლაური
    24.12.2013

     საქართველოში ბოლო ერთი თვის განმავლობაში სასოფლო-სამეურნეო პროდუქტების ფასი მნიშნელოვნად გაიზარდა. დაახლოებით 200-300%-ით გაძვირდა კარტოფილი, 1,5-2 ლარით მოიმატა ფასმა მწვანილზე, 50%-ით გაძვირდა ლობიო, ერთი კილოგრამი ყველის ფასი 6-7 ლარიდან 8-10 ლარამდე გაიზარდა. ექსპერტები პროდუქტებზე ფასების ზრდას, ერთი მხრივ, სეზონურობას, მეორე მხრივ, კი პროდუქციის დეფიციტს უკავშირებენ. მათი აზრით, მოსახლეობის დაბალი მსყიდველუნარიანობის გამო, მაღალი ფასები მხოლოდ ახალ წლამდე შენარჩუნდება, იანვრიდან კი ისევ შემცირდება.

    მაკა ხარაზიშვილი
    24.12.2013

    წლეულს ყველაზე წარმატებულ ბიზნეს სფეროებად ვაჭრობა და სოფლის მეურნეობა სახელდება. ვაჭრობაში წარმატებას ავტოდილერებმა მიაღწიეს, სოფლის მეურნეობაში კი შეღავათიანი ბიზნესპროექტებით სარგებლობა და ხეირის მიღება უამრავმა ბიზნესმენმა სცადა.

    მარი ჩიტაია
    24.12.2013

    თამბაქოს კონტროლის ალიანსი წლის შედეგებს აჯამებს. ალიანსისა და ჯანდაცვის სამინისტროს ინიციატივით, თამბაქოს კონტროლის ღონისძიებებებმა წინ წაიწია, რომელსაც სათავეში ყოფილი პრემიერი ჩაუდგა. მისი წვლილი ამ საქმეში იმითაც აღინიშნა, რომ ბიძინა ივანიშვილს ალიანსმა თამბაქოს კონტროლის საქმეში შეტანილი განსაკუთრებული წვლილისათვის სპეციალური პრიზიც გადასცა.

    მარი ჩიტაია
    21.12.2013

    ტურიზმის სფეროს სპეციალისტები აღიარებენ, რომ საქართველოში მასობრივი ტურიზმი არ ვითარდება და რეალურად არც არის ამის საფუძველი. სამაგიეროდ, მეტი პოტენციალია ე.წ. მეორად ტურიზმში, რომლის განვითარების მიზნით მთავრობა ახალი ტურისტული პროდუქტების შექმნას აპირებს.

    მაკა ხარაზიშვილი
    20.12.2013

    ბოლო პერიოდში ბენზინი მუდმივად ძვირდება და წინა ხელისუფლების დროინდელ ნიშნულს დაუბრუნდა. სპეციალისტების განმარტებით და საერთაშორისო ფასის გათვალისწინებით, თუნდაც ლარის გაუფასურების პირობებში საწვავი არ უნდა გაძვირებულიყო. შარშან არჩევნებემდე ბენზინის საერთაშორისო ბაზარი 100 დოლარით ძვირი ღირდა, ვიდრე ამჟამად, საცალო ფასი კი იგივეა. ჩნდება ლოგიკური კითხვა - თითო ლიტრი ბენზინიდან 15-20 თეთრი ახლა ვის ყულაბაში მიჩხრიალებს?

    მაკა ხარაზიშვილი
    20.12.2013

    უკანონო ხე-ტყის ჭრით დასავლეთ საქართველო ლიდერობს. გარემოს დაცვის სამინისტრომ მონიტორინგისა და პატრულირების შემდეგ 107 სისხლის სამართლის დარღვევა აღმოაჩინა. გარემოსთვის მიყენებულმა ზიანმა კი 6 მილიონი ლარს გადააჭარბა. კონტროლის გამკაცრების გამო, მძიმე დღეში აღმოჩნდნენ მცირე მეწარმეები, ისინი იძულებულები არიან შემოსავლის ერთადერთი წყარო ე.წ. "ცეხები" დაკეტონ.

    მაკა ხარაზიშვილი
    19.12.2013

    საქართველოში ყველაზე მაღალი ხელფასი საფინანსო სექტორსა და სახელმწიფო უწყებებში დასაქმებულებს აქვთ. სპეციალისტების განცხადებით, ეკონომიკური ზრდის მაჩვენებელი ბევრად ჩამორჩება საჯარო სექტორში ხელფასების ზრდის მაჩვენებელს. ასეთი ტენდენცია განვითარებადი ქვეყნებისთვის არის დამახასიათებელი.


    Copyright © 2006-2019 by Resonance ltd. . All rights reserved