მაკა ხარაზიშვილი
15.07.2014

სვანეთში, ენგურის აუზში, ჰესების მშენებლობის ბუმია. "ნენსკრაჰესის" მშენებლობა 2015 წლიდან დაიწყება. ამ ელექტროსადგურს კორეული წყლის რესურსების სახელმწიფო კომპანია ააშენებს. გარდა ამისა, კომპანია "ჰიდროლეა" სამი ელექტროსადგურის "კასლეთჰესი 1", "კასლეთჰესი 2" და "დარჩი ჰესის" აშენებას აპირებს, ასევე არსებობს "ტობარჰესის" მშენებლობის ვარიანტიც. ამიტომ სპეციალისტების აზრით, სვანეთში, ერთ პატარა რეგიონში ამდენი ელექტროსადგურის მშენებლობის შემდეგ "ხუდონჰესის" ადგილი აღარ არის. შესაბამისად, არ არის საჭირო რამდენიმე დასახლებული პუნქტის წყალში ჩაძირვა, მით უმეტეს რომ "ხუდონის" მშენებელი ინვესტორისა და ასაშენებელი ინვესტიციის წარმომავლობა დღემდე გაურკვეველია.

მარი ჩიტაია
15.07.2014

თბილისურ ფან-კლუბებსა და რესტორნებში ფეხბურთის ქართველი გულშემატკივრების ხელმომჭერრილობაზე საუბრობენ. ზუსტი მონაცემები თუ როგორ ჩაიარა ქართული რესტორნებისთვის ჩემპიონატმა და ფინანსურად რა მოიგეს, არ სახელდება. იშვიათი გამონაკლისის გარდა, ამ ბიზნესის თითქმის ყველა წარმომადგენელი აღიარებს, რომ მომხმარებლის რაოდენობას მათ მუშაობაზე სერიოზული გავლენა არ მოუხდენია და ამ მხრივ იმედი გაუწბილდათ.

მარი ჩიტაია
15.07.2014

დასავლეთში რამდენიმეკვირიანმა გვალვამ სიმინდის ყანას ძალიან ავნო. გლეხები ამბობენ, რომ ზარალი მოსავლიანობაზე გავლენას მოახდენს, თანაც უამინდობა ჯერ კიდევ გრძელდება.

ელზა წიკლაური
15.07.2014

სომხეთის შემდეგ საქართველო-რუსეთის რკინიგზის აფხაზეთის მონაკვეთის გახსნის სურვილი ამჯერად მოსკოვში რუსულმა კომპანიებმა გამოთქვეს. საქართველოს პრემიერის წარმომადგენლის ქართულ-რუსულ ურთიერთობებში ზურაბ აბაშიძის განცხადებით, ჟენევის მოლაპარაკებებზე ცნობილი გახდა, რომ ჩვენი რკინიგზით რუსული კომპანიები არიან დაინტერესებულნი და მათი მხრიდან არის წინადადება, რომ ჩვენი ტრანზიტი გამოიყენონ თავიანთი პროდუქციის ექსპორტისთვის. საგარეო საქმეთა, ასევე შერიგების მინისტრი კი ირწმუნებიან, რომ აფხაზეთის გავლით რკინიგზის აღდგენაზე საუბარი არ მიმდინარეობს.

მარი ჩიტაია
15.07.2014

სამეგრელოსა და აფხაზეთის ე.წ. საზღვართან თავისუფალი ეკონომიკური ზონის, ერგნეთის ბაზრობის მსგავსი ცენტრის გახსნამ ოკუპირებულ ტერიტორიაზე მცხოვრებლები იმედიანად განაწყო. ქართველებსა და აფხაზებს მიაჩნიათ, რომ ამით ურთიერთობები გაუმარტივდებათ და ფინანსურადაც სარგებელს ნახავენ. თუმცა, ხალხი ფიქრობს, რომ ახალი სავაჭრო კავშირი ოკუპანტებს კიდევ უფრო გააღიზიანებს.

მარი ჩიტაია
12.07.2014

სასტუმროებისა და საწოლი ადგილების რაოდენობა საქართველოში ტურისტების დიდი რაოდენობით მიღების შესაძლებლობას არ იძლევა. მთავრობის ოპტიმიზმი, რომ ქვეყანას წელიწადში 6 მილიონი ტურისტის მიღების შესაძლებლობა აქვს, სპეციალისტების დიდ გაოცებას იწვევს. ამ რაოდენობის ტურისტის მისაღებად, სულ მცირე, 200 000 საწოლი ადგილის არსებობაა აუცილებელი, რეალურად კი მათი რიცხვი 35 000-ს არ აჭარბებს.

ელზა წიკლაური
12.07.2014

ზედიზედ მეორე თვეა, მშპ-ს ზრდის ტემპი საპროგნოზო მაჩვენებლებს ჩამორჩება. აპრილში ეკონომიკა 2,7%-ით გაიზარდა, მაისში - 4,5%-ით. მიუხედავად ამისა, ეკონომიკურ ზრდასთან დაკავშირებით ქვეყნის მთავარი ფინანსისტის პროგნოზი ისევ ოპტიმისტურია. ნოდარ ხადურის განცხადებით, ის ნიშნული, რაც საქართველოს მთავრობას ჰქონდა (5%) ისევ ძალაშია.

მაკა ხარაზიშვილი
12.07.2014

"საქართველოს გაერთიანებული წყალმომარაგების კომპანიას" სასმელი წყლის რესურსებისა და საექსპორტო პოტენციალის შესწავლა დაევალა. გარდა ამისა, დაიგეგმა სახელმწიფო პროგრამის "აწარმოე საქართველოში" ფარგლებში სასმელი წყლის გადამამუშავებელი ქარხნის მშენებლობა. "რეზონანსმა" სპეციალისტებზე დაყრდნობით უკვე შეისწავლა, ქვეყანაში მტკნარი წყლის რა რესურსია, რა მოცულობის გატანა შეიძლება ექსპორტზე, რა გზებით და რამდენი იქნება წყლის ექსპორტიდან მიღებული შემოსავალი.

მაკა ხარაზიშვილი
11.07.2014

მთავრობა ანაკლიის პორტის ასაშენებლად ინვესტორებს ეპატიჟება. პორტის ღირებულება 700-900 მლნ დოლარია. მთავრობა ინვესტორებს ოქტომბრამდე ელოდება. მშენებლობა 2015 წელს უნდა დაიწყოს და 2018 წელს ანაკლიამ პირველი გემიც უნდა მიიღოს.

მაკა ხარაზიშვილი
10.07.2014

სოფლის მეურნეობის სამინისტრო წლეულს ღვინის ექსპორტის 55 მილიონი ბოთლით გაზრდას ვარაუდობს. შესაბამისად, სამინისტროში აცხადებენ, რომ ყურძენზე მოთხოვნა ძალიან დიდი იქნება. ამ მოტივით, საფერავის შესყიდვაზე სუბსიდიაც კი მოიხსნა. მეღვინეების ნაწილი კი რუსეთში, რომელიც საქართველოს მთავარი საექსპორტო ქვეყანაა, რეალიზაციის შემცირებას ელის.

მარი ჩიტაია
09.07.2014

სამშენებლო სექტორში შექმნილ უკონკურენტო გარემოს ქართველი დეველოპერები ყველაზე მტკივნეულ პრობლემად მიიჩნევენ. ისინი მთავრობისგან მოითხოვენ ჯერ კიდევ წინა ხელისუფლების დროს დაშვებული ხარვეზების გამოსწორებას, რამაც სამშენებლო დარგის განვითარება დიდი ხნით შეაფერხა.

მაკა ხარაზიშვილი
08.07.2014

საქართველო სადისტრიბუციო ქსელში გაზის დანაკარგის მაჩვენებლით ერთ-ერთი მოწინავე ქვეყანაა. სემეკის დადგენილებით, გაზის ნორმატიული დანაკარგი დასაშვები ნორმა 9%-მდეა მაშინ, როდესაც ევროპაში ნორმატიული დანაკარგი 1-2%-ია, დსთ-ს ქვეყნებში კი - 3-4%. სპეციალისტების განცხადებით, ნორმატიული დანაკარგის დიდი განაკვეთი კომპანიებს ქსელის მოწესრიგების სურვილს არ უჩენს, ვინაიდან დანაკარგი მაინც ტარიფშია ასახული ქსელის რეაბილიტაცია კი გაცილებით ძვირი ჯდება.


Copyright © 2006-2020 by Resonance ltd. . All rights reserved
×