მარი ჩიტაია
10.01.2015

დედაქალაქის ცენტრალურ უბნებში უძრავი ქონება, წინა წლის ანალოგიურ პერიოდთან შედარებით, 5-7%-ით გაიაფდა. ცვლილება განსაკუთრებით მეორად საცხოვრებელ ბინებს შეეხო. დეველოპერთა ინფორმაციით, ცენტრალურ უბნებში მოთხოვნა განსაკუთრებით ახალაშენებულ ბინებზეა. ამ შემთხვევაში ფასი მეტ-ნაკლებად შენარჩუნდა. საპირისპირო ტენდენციაა გარეუბნებში, სადაც მოთხოვნა ძირითადად მეორად ბინებზე სჭარბობს.

მაკა ხარაზიშვილი
10.01.2015

რუსეთსა და უკრაინაში ეკონომიკური კოლაფსი გრძელდება. ამ ქვეყნების კრიზისის გავლენა საქართველომ უკვე იწვნია. 2014 წელს საქართველოდან უფრო მეტი უკრაინული ინვესტიცია გავიდა, ვიდრე შემოვიდა. ასევე ყოველ კვარტალში მცირდებოდა რუსეთიდან ინვესტიციები და ფულადი გზავნილები. სპეციალისტები მთავრობას მოუწოდებენ, რომ გარე ფაქტორებზე უფრო მეტი ყურადღება გაამახვილონ და რეალური სექტორის განვითარებაზე იზრუნონ.

მაკა ხარაზიშვილი
09.01.2015

დღეს საწვავი 5 თეთრით გაიაფდება, თუმცა პრემიერ-მინისტრის სიტყვებით რომ ვთქვათ, საქართველოში მისი ფასი საერთაშორისო ფასების ადეკვატური მაინც არ არის. ამჟამად ბენზინის თვითღირებულება დაახლოებით 1 ლარია და ავტოგასამართსადგურებზე საწვავი, საშუალოდ, 75-თეთრიანი მარჟით იყიდება.

ელზა წიკლაური
09.01.2015

ონლაინ სესხების გამცემი ორგანიზაციების მატებას ეკონომისტები საგანგაშოს უწოდებენ და ხელისუფლებას საკრედიტო საქმიანობის შესახებ კანონის სასწრაფოდ მიღებისკენ მოუწოდებენ. მათი აზრით, ასეთი ორგაიზაციების მომრავლება არც ქვეყნის ეკონომიკას და მით უფრო, არც გაღატაკებულ მოსახლეობას არ წაადგება.

მაკა ხარაზიშვილი
08.01.2015

2014 წელი 2%-იანი ინფლაციით დასრულდა. მიუხედავად იმისა, რომ სურსათი და მედიკამენტები მკვეთრად გაძვირდა, სტატისტიკის სამსახურმა ქვეყანაში მაინც დაბალი ფასები აღნუსხა. სპეციალისტების განცხადებით, უმნიშვნელო ინფლაციაზე გარკვეული გავლენა საწვავის გაიაფებამაც მოახდინა. სტატისტიკურ მონაცემებში სურსათის მხოლოდ 2,5%-იანი გაძვირებაა დაფიქსირებული. ეს კი რეალობას აბსოლუტურად აცდენილია.

ნატა გიორგაძე
31.12.2014

 საქართველოში, შესაძლოა, ონლაინ თამაშები აიკრძალოს. შესაბამისი კანონპროექტი შსს-ს უკვე მზად აქვს და მას საგაზაფხულო სესიაზე პარლამენტს განსახილველად გადაუგზავნის. ონლაინთამაშების შესაძლო აკრძალვას უარყოფენ ეკონომიკის სამინისტროში. კვირიკაშვილის უწყებაში ამბობენ, რომ მხოლოდ ასაკობრივი შეზღუდვა დაწესდება.

მაკა ხარაზიშვილი
31.12.2014

კონკურენციის სააგენტომ პრემიერ-მინისტრის მოთხოვნა შეასრულა და საწვავის ბაზართან დაკავშირებით ირაკლი ღარიბაშვილს ანგარიში ჩააბარა. პრემიერი კი იმედოვნებს, რომ მოკლე პერიოდში საწვავის გაიაფება გაგრძელდება. ანტიმონოპოლისტები კვლევის შედეგებს მედიისგან საიდუმლოდ ინახავენ.

მაკა ხარაზიშვილი
29.12.2014

ევროკავშირთან ასოცირების ხელშეკრულებაზე ხელმოწერა და მისი რატიფიცირება როგორც ქართულ პოლიტიკაში, ისე ეკონომიკაში წლის ყველაზე მნიშვნელოვან მოვლენად დასახელდა. ქართველ მეწარმეებს ევროპისკენ გზა გაეხსნათ. წლის ნეგატიური მოვლენა კი ლარის დევალვაციაა, რომელსაც სპეციალისტები დღემდე ხელოვნურ პროცესად აფასებენ და გამოძიებას ითხოვენ. გარდა ამისა, 2014 წელს ქვეყანას ისევ არ აქვს მკაფიოდ ჩამოყალიბებული ეკონომიკური სტრატეგია და ნათლად გაწერილი ეკონომიკური პრიორიტეტი.

ელზა წიკლაური
27.12.2014

ახალი წლიდან რუსეთში ქართული ხილ-ბოსტნეულის შეტანა იკრძალება. ჩრდილოეთის ბაზარზე ვეღარ შევა ვერც ნედლი და ვერც გამომშრალი პროდუქცია. რუსული მედიის ინფორმაციით, აღნიშნულ გადაწყვეტილებას პრეზიდენტმა პუტინმა ხელი ჯერ კიდევ აგვისტოში მოაწერა და ამის მიზეზად საკარანტინო პირობები დაასახელა. მოსკოვის მორიგ "ემბარგოსთან" დაკავშირებით ოფიციალური თბილისის ოფიციალური პასუხი ჯერჯერობით უცნობია.

მარი ჩიტაია
27.12.2014

საახალწლოდ ადგილობრივ ბაზარზე ღვინო არ გაძვირდება. ბოლო დროს მასზე მოთხოვნამაც იკლო. ქართველი მეღვინეების ინფორმაციით, ხარისხიან ღვინოს მომხმარებელი შემოაკლდა. რაც შეეხება ფასს, 1 ლიტრის ფასი 4-5 ლარიდან იწყება და 100 ლარსაც კი აჭარბებს.

მაკა ხარაზიშვილი
26.12.2014

რეგიონული განვითარებისა და ინფრასტრუქტურის სამინისტროს ტენდერების ნაწილს სახელმწიფო მოხელეებთან დაკავშირებული კომპანიები იგებენ. "საერთაშორისო გამჭვირვალობა - საქართველოს" კვლევის მიხედვით, ხშირ შემთხვევაში ტენდერები კორუფციული რისკის მატარებელია.

მარი ჩიტაია
26.12.2014

ქართული მინერალური წყლები რუსეთში 4-5%-ის ფარგლებში გაძვირდა. ფასის ზრდა ქვეყანაში მიმდინარე სავალუტო კრიზისმა განაპირობა. 2014 წლის იანვარ-ნოემბერში, წინა წელთან შედარებით, ჩრდილოეთში მინერალური წყლების ექსპორტი უკვე 100%-ით არის გაზრდილი.


Copyright © 2006-2020 by Resonance ltd. . All rights reserved
×