მაკა ხარაზიშვილი
20.06.2014

კახეთში პარაზიტული მცენარე - კელაპტარა მზესუმზირას ანადგურებს. ქიზიყელები ამბობენ, რომ ამ სარეველასთან ბრძოლა საკმაოდ რთულია, რის გამოც მზეუმზირის ნათესების ნაწილი ხმება. სპეციალისტები ადასტურებენ, რომ კელაპტარა არის პარაზიტი, რომელიც მცენარის ფესვებზე სახლდება და იწოვს მცენარისთვის საჭირო საკვებ ნივთიერებებსა და წყალს. ამიტომაც ფერმერებს ურჩევენ, მზესუმზირის დათესვამდე მიწა სპეციალური ფერმენტებით დაამუშავონ, რაც საკმაოდ ძვირია.

ელზა წიკლაური
20.06.2014

თბილისში მიმდინარე და დაგეგმილ, მსხვილი ინფრასტრუქტურული პროექტების განხორციელებას, შესაძლოა, პრობლემები შეექმნას. იმის გამო, რომ დედაქალაქის ახალ საკრებულოში უმრავლესობას "ქართული ოცნება" წარმოადგენს, მერიაში კი არჩევნების მეორე ტურის დანიშვნამდე ისევ ნაცმოძრაობა რჩება, პროექტების განხორციელება, გამორიცხული არ არის, რომ შემოდგომამდე გადაიდოს. ამ მოსაზრებას დაფინანსებაშეწყვეტილი მუსიკისა და დრამის თეატრის შენობის მშენებლობის შეჩერება და "პანორამა თბილისის" პროექტიც ამყარებს.

მარი ჩიტაია
19.06.2014

სამასალე ხე-ტყე გაძვირდა, რაც მისი მოპოვების სიძნელეს უკავშირდება. ქართველი მეტყევეების ინფორმაციით, ხელმისაწვდომობის სირთულემ და სამასალე ხის დეფიციტმა ფასზე მნიშვნელოვანი გავლენა მოახდინა. ბოლო 2 თვეში 1 კბ/მ მასალის ფასმა 50 ლარით, ხოლო 1 წელიწადში თითქმის 100 ლარით მოიმატა. მშრალი მასალა, რომელიც საშუალოდ 500-530 ლარი ღირდა, 600 ლარი გახდა, ხოლო ნახევრად მშრალი მასალა 430-460 ლარიდან 500-530 ლარამდე გაძვირდა.

მარი ჩიტაია
18.06.2014

საქართველოში საწვავის მორიგ გაძვირებას ელოდებიან. ექსპერტების პროგნოზით, ბენზინისა და დიზელის ფასი 5-10%-ით გაიზრდება. ნავთობპროდუქტების გაძვირებას პროგნოზირებენ ნავთობპროდუქტების იმპორტიორთა კავშირშიც, მაგრამ სავარაუდო მაჩვენებლების დასახელებისგან კომპანიის ხელმძღვანელი თავს იკავებს. ვანო მთვრალაშვილი საფასო ცვლილებების მიზეზად საერთაშორისო ფაქტორს განიხილავს.

მაკა ხარაზიშვილი
18.06.2014

ხელისუფლებას სტატისტიკის სამსახურის მიერ გამოქვეყნებული მონაცემები აოცებს. ბოლო პერიოდში გაისმის კრიტიკა, რომ ეს მონაცემები გადასახედია. სპეციალისტები აღნიშნავენ, რომ ზოგჯერ "საქსტატის" კვლევები ხელისუფლებისთვის სასიამოვნო არ არის, თუმცა ეს არ ნიშნავს, რომ ამ სამსახურის მონაცემები რეალობას ბევრად აცდენილია. ხშირად სტატისტიკოსებს პროფესიონალიზმს ექსპერტებიც უწუნებენ.

მაკა ხარაზიშვილი
17.06.2014

კახეთში ხორბლის ნათესები განადგურებულია. განსაკუთრებით მძიმე მდგომარეობა ივრის ზეგანსა და შირაქის ველზეა. მიზეზი - გვალვა და სწრაფი გაუდაბნოების პროცესია. გარდა ამისა, ძალიან დაბალია ქერის მოსავალი. ამასთანავე, სიღნაღის რაიონში გახმა ახლადგაშენებული 100 ჰექტარი ვენახი.

მაკა ხარაზიშვილი
17.06.2014

სამხრეთ კავკასიის ეკონომიკის 3/4 აზერბაიჯანში იქმნება. ამ მიმართულებით საქართველომ პოზიციები დიდი ხანია დაკარგა, განსაკუთრებით, ბოლო წლებში, ვინაიდან საქართველოში დაბალი ეკონომიკური ზრდაა. სპეციალისტების განცხადებით, საქართველოს აზერბაიჯანის ეკონომიკის ზოგიერთ მაჩვენებელთან მიახლოების თეორიული შანსიც კი აღარ აქვს მაშინ, როდესაც 90-იან წლებში სამივე ქვეყნის ეკონომიკა (საქართველო, სომხეთი, აზერბაიჯანი) თითქმის ერთი ტემპით ვითარდებოდა.

მარი ჩიტაია
14.06.2014

გურიაში ძლიერმა წვიმამ თხილის პლანტაციები და საყანე ფართობები დატბორა. ხალხს თხილის მოსალოდნელი დეფიციტი აშინებს და მოსავლის 10 ლარამდე გაძვირებას ელოდება. ასეთი მოლოდინი თურქეთში ქართულ თხილზე მოთხოვნის ზრდამაც გააჩინა.

მარი ჩიტაია
14.06.2014

წინასაარჩევნოდ ფინანსური ადმინისტრაციული რესურსების გამოყენების ფაქტები ისევ ფიქსირდება. თუმცა, წელს არის ის შემთხვევა, როდესაც ხელისუფლება ამ რესურსებს ისე იყენებს, რომ კანონს არ არღვევს. "საერთაშორისო გამჭვირვალობა - საქართველოს" წინასაარჩევნო პერიოდის მონიტორინგის ანგარიშის მიხედვით, საბიუჯეტო პროგრამით გათვალისწინებული პროექტების რაოდენობამ არჩევნების წინ მნიშვნელოვნად მოიმატა.

მარი ჩიტაია
13.06.2014

წელს ჩაის მოსავალი, შარშანდელთან შედარებით, 10-15 პროცენტით შემცირდება. ამის მიზეზად სპეციალისტები ჩაის ფოთლის დეფიციტს მიიჩნევენ და აცხადებენ, რომ გადამამუშავებელ საწარმოებს სერიოზული პრობლემა აქვთ, რადგან ჩაის ბუჩქი, მოუვლელობის გამო, გაუხეშდა და ღეროებიღა შემორჩა.

მაკა ხარაზიშვილი
13.06.2014

ეროვნული ბანკის პრეზიდენტმა გიორგი ქადაგიძემ საკრედიტო ინსტიტუტები არაეთიკური პოლიტიკის გატარებაში დაადანაშაულა. საბანკო მომხმარებელს კი მოუწოდა, რომ ხელშეკრულებები კარგად წაიკითხონ. საბანკო ექსპერტები კი ქადაგიძეს ურჩევენ, ზეპირმეტყველება რეალური ქმედებებით შეცვალოს, განვითარებული ქვეყნების გამოცდილების საფუძველზე შექმნას ნორმატიული აქტები, რომელიც მომხმარებლის უფლებების დაცვას უზრუნველყოფს.

მაკა ხარაზიშვილი
13.06.2014

წელს 1 კგ საზამთრო კახეთში, დაახლოებით, 10-15 თეთრი ეღირება. გლეხები განსაკუთრებულ მოსავალს ელიან. ყვარელში საზამთროს პირველი პარტია უკვე დაიკრიფა. ამ დროისთვის, 1 კილოგრამი 50-60 თეთრი ღირს. საზამთროს სეზონი ორ კვირაში გააქტიურდება.


Copyright © 2006-2020 by Resonance ltd. . All rights reserved
×