მაკა ხარაზიშვილი
09.09.2014

"ყველაფერი სითი პარკს", - სწორედ ამ პათოსით გაფორმდა 2007 წელს თბილისის მერიასა და "სითი პარკს" შორის დედაქალაქში პარკირების "მოწესრიგებასთან" დაკავშირებით ხელშეკრულება. იქ მკაფიოდ არ არის გაწერილი კომპანიის ვალდებულებები, თუმცა დეტალურად წერია თუ რა მძიმე ვერდიქტი ელის მერიას თუკი "სითი პარკთან" ხელშეკრულებას გაწყვეტს.

ვასო კაპანაძე
09.09.2014

სპეციალურად "ბიზნეს-რეზონანსისთვის" ტრაბზონიდან

5-7 სექტემბერს თურქეთის ქალაქ ტრაბზონში 150-მდე თურქი, ქართველი და ირანელი ბიზნესმენის და საქმიანი წრეების წარმომადგელების მონაწილეობით ბიზნესის განვითარების მე-3 საერთაშორისო რეგიონული ფორუმი გაიმართა. "გააფართოვე ბიზნესი, შეცვალე მსოფლიო", - ეს იყო სამუშაო დევიზი, რომელიც 3 დღის განმავლობაში ლაიტმოტივად გასდევდა ფორუმის მონაწილეთა მუშაობას.

მაკა ხარაზიშვილი
08.09.2014

"ხუდონჰესის" მშენებლობის საკითხი ისევ გაურკვეველია. ჰესის ასაშენებლად "ტრანს ელექტრიკას" მიერ მომზადებული გზშ-ის (გარემოზე ზემოქმედების შეფასება) ანგარიში გარემოს დაცვის სამინისტროში ეკოლოგიური ექსპერტიზისთვის 17 სექტემბრამდე უნდა შევიდეს. "ბიზნეს-რეზონანსის" ინფორმაციით კი, გზშ მზად ისევ არ არის, არც ეკონომიკის სამინისტროში შესულა და ვერც გარემოს დაცვის სამინისტრო მიიღებს. "ტრანსელექტრიკა" ვადას ისევ არღვევს.

მაკა ხარაზიშვილი
06.09.2014

რა პირობებით დაბრუნდება ყაზახური მხარე "ყაზტრანსგაზ-თბილისში" ჯერ გადაწყვეტილი არ არის. ამ საკითხთან დაკავშირებით ენერგეტიკისა და ფინანსთა სამინისტროები ყაზახებისგან წინადადებებს ელოდებიან. მთავრობამ ყაზახეთის მიმართ არსებული სახელმწიფო ვალის "ყაზტრანსგაზ-თბილისის" ვალში გაქვითვის ვარიანტი წარმოადგინა. მეორე შეთავაზება ვალების რესტრუქტურიზაციაა.

ელზა წიკლაური
06.09.2014

საერთაშორისო სავალუტო რეზერვები ერთი წლის განმავლობაში 12%-ით არის შემცირებული. ეროვნული ბანკის მონაცემებით, 2014 წლის აგვისტოში რეზერვების მოცულობა 2,707 მლრდ აშშ დოლარით განისაზღვრა, 2013 წლის აგვისტოში კი მისი მოცულობა 3,1 მლრდ დოლარი იყო. რეზერვების შემცირებას ექსპერტთა ერთი ნაწილი უარყოფითად აფასებს და აცხადებს, რომ ეს ქვეყანაში არსებული არასტაბილური ეკონომიკური მდგომარეობის მანიშნებელია. მეორე ნაწილი რეზერვების შემცირებაში საგანგაშოს ვერაფერს ხედავს.

ელზა წიკლაური
06.09.2014

ირანული ტვირთი რუსეთში საქართველოს, კონკრეტულად კი ლარსის საბაჟოს გავლით შევა. როგორც რუსული მედია წერს, ამ საკითხზე რუსეთში ირანის ელჩსა და რუსეთის საბაჟოს ხელმძღვანელობას შორის მოლაპარაკება უკვე შედგა. ირანის ელჩი ჩრდილოეთ ოსეთის რესპუბლიკის ხელმძღვანელ თეიმურაზ მამსუროვსაც ესაუბრა. ამ ეტაპზე უკვე სავარაუდო მარშრუტზე მიდის მუშაობა, რომლის დასრულების შემდეგ ირანი-საქართველოს (ლარსის საბაჟო) - ვლადიკავკაზი-მოსკოვის მიმართულება სრული დატვირთვით ამუშავდება.

ელზა წიკლაური
05.09.2014

2014 წლის 2 კვარტალის მონაცემებით, იმპორტი 15 პროცენტით, ხოლო ექსპორტი კი 14 პროცენტით გაიზარდა. ბოლო 7 თვის განმავლობაში უარყოფითმა სავაჭრო სალდომ, წინა წლის ანალოგიურ პერიოდთან შედარებით, ერთი პროცენტით მოიმატა და 49 პროცენტი შეადგინა. სპეციალისტები ექსპორტ-იმპორტს შორის არსებულ დისბალანსს ქვეყანაში რეალური სექტორის განუვითარებლობას უკავშირებენ.

მაკა ხარაზიშვილი
04.09.2014

დარიალის ხეობაში სტიქიისგან დაზიანებული "ლარსი ჰესი" 1 თვის შემდეგ შეძლებს მუშაობის განახლებას. ჰესის ოპერატორ კომპანიებს 1 მილიონი ლარის ზარალი მიადგათ, თუმცა გარემოს დამცველების ვარაუდი ჰესის დასამარებასთან დაკავშირებით არ გამართლდა.

ელზა წიკლაური
04.09.2014

დედაქალაქის მერიამ, შესაძლოა, კომერციული ბანკიდან ფული აღარ ისესხოს. 30-მილიონიანი სესხის აღება მერიას მხოლოდ იმ შემთხვევაში მოუწევს, თუ წლის ბოლოს ბიუჯეტში დეფიციტი იქნება. იმ ფაქტს, რომ საბიუჯეტო დეფიციტი კომერციული ბანკებიდან აღებული სესხით უნდა დაიფაროს, ზოგიერთი ექსპერტი უარყოფითად აფასებს, ზოგი კი ამაში პრობლემას ვერ ხედავს და მაგალითისთვის ძველი პრაქტიკა მოჰყავს.

ელზა წიკლაური
03.09.2014

მედიკამენტების რეცეტპით გაცემის სისტემის ამოქმედებამ, შესაძლოა, არაქსელურ აფთიაქებს სერიოზული ფინანსური პრობლემა შეუქმნას. სპეციალისტთა ნაწილი ამბობს, რომ აღნიშნულ რეგულაციას მსხვილი კომპანიები გაუძლებენ, პატარა აფთიაქები კი ჩაიძირებიან. ექსპერტთა ნაწილი კი თვლის, რომ რეცეპტის ინსტიტუტის შემოღება ფარმაცევტულ ბიზნესს არ აზარალებს, უბრალოდ, ერთი სახის მედიკამენტის გაყიდვა შემცირდება, მეორისა კი (ურეცეპტოდ გასაცემის) გაიზრდება.

მაკა ხარაზიშვილი
03.09.2014

წელს კახური ზეთი ძნელად საშოვარი გახდება. კახეთში მზესუმზირის პლანტაციების დაახლოებით 50% გადაიწვა. ფერმერთა ნაწილმა ნათესებში კომბაინიც კი აღარ შეიყვანა. რაც გადარჩა, იქაც მცირე მოსავალი მოვიდა. გლეხები და ფერმერები უმძიმეს მდგომარეობაში არიან. ისინი ხელისუფლებას სთხოვენ ადგილზე ჩავიდნენ და გადამწვარი ქიზიყი საკუთარი თვალით ნახონ, ხოლო გლეხებს გამოსავლის მოძებნაში დაეხმარონ.

ელზა წიკლაური
02.09.2014

თბილისში 1 კილოგრამი პური საცალო ქსელში დაახლოებით 1,5-1,7 ლარი ღირს, ერევანში კი - 1-1,2 ლარი, ბაქოში 1 კგ-ის ფასი, საშუალოდ, 1,7 ლარია, მინსკში - 1,25-1,5 ლარი, კიევში კი 1 კგ პური 1 ლარს არ აღემატება, ასტანაში - 1,2-1,3 ლარი ღირს, კიშინოვში - 1,1 ლარი. პური ყველაზე ძვირი მოსკოვშია, იქ მისი ღირებულება 55 რუბლს, დაახლოებით 2,6 ლარს შეადგენს. თუმცა მოსკოვში პურზე მოქმედებს ე.წ. სოციალური ტარიფი, რომელიც ფიქსირებულია და საბაზრო ფასზე ბევრად ნაკლებია.


Copyright © 2006-2020 by Resonance ltd. . All rights reserved
×