სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    მაკა ხარაზიშვილი
    11.01.2014

    2014 წელს ნავთობის ფასი არ შეიცვლება. საერთაშორისო ექსპერტების გათვლებით, 1 ბარელი ნავთობის ფასი 100-115 დოლარის დიაპაზონში იმერყევებს. შესაბამისად, საქართველოს სანავთობო ბაზარზეც საწვავის ფასის მნიშვნელოვანი ცვლილება მოსალოდნელი არ არის. იმ შემთხვევაში, თუ ეროვნული ვალუტა გამყარდა, ბენზინი და დიზელი კიდევ 5 თეთრით უნდა გაიაფდეს.

    მარი ჩიტაია
    11.01.2014

    სწრაფი გადახდის ბიზნესმა 2013 წელი ზარალით დაასრულა. კომპანიები კონკრეტულ ციფრებს ამ ეტაპზე არ ასახელებენ, თუმცა არ მალავენ, რომ აქვთ ფინანსური დანაკარგი. ეს ყველაფერი ბაზარზე გამწვავებულ ვითარებას უკავშირდება. მიუხედავად იმისა, რომ ეროვნულმა ბანკმა კომპანიებსა და მობილურ ოპერატორებს შორის მედიატორის როლი იკისრა, ამ საქმიდან ჯერჯერობით არაფერი გამოვიდა.

    მაკა ხარაზიშვილი
    10.01.2014

    ფინანსთა სამინისტრო იანვარში 125 მილიონი ლარის სახაზინო ვალდებულებსა და ობლიგაციებს გამოუშვებს. პირველად საქართველოს საფინანსო ისტორიაში, ეროვნულმა ბანკმა კომერციულ ბანკებს 4,8%-იანი 50 მილიონი ლარის ღირებულების სახაზინო ვალდებულება მიჰყიდა. ფასიანი ქაღალდების მომსახურება სახელმწიფო ბიუჯეტს ყველაზე ძვირი უჯდება.

    მარი ჩიტაია
    10.01.2014

    სახელმწიფო ბიუჯეტს "არქიმედეს გლობალ ჯორჯიას" დაზღვეულების მომსახურება დაახლოებით 64,2 მილიონი ლარი დაუჯდება. გაკოტრებული კომპანიის დაზღვეულები საყოველთაო დაზღვევის ერთიან სერვისში ჩაერთვნენ. სადაზღვევო სფეროს სპეციალისტები ფიქრობენ, რომ ჯანდაცვის სამინისტროს მიერ ვალდებულების აღება პრობლემებს დიდწილად მოაგვარებს, მაგრამ არ გამორიცხავენ, ამ ვალდებულებების შესრულება გარკვეული დროის განმავლობაში გაიწელოს.

    მარი ჩიტაია
    09.01.2014

    ციტრუსი სეზონს დანაკარგით ასრულებს. მოსალოდნელი 100 ათასი ტონის ნაცვლად, ქვეყანამ დაახლოებით 70-75 ათას ტონამდე მოსავალი მიიღო. აჭარის სოფლის მეურნეობის სამინისტროში აცხადებენ, რომ ნაადრევი თოვლის გამო ციტრუსის მოსავალი 25 პროცენტით შემცირდა.

    მაკა ხარაზიშვილი
    09.01.2014

    "ხუდონჰესის" მშენებლობაზე ნებართვა კომპანია "ტრანსელექტრიკამ" ზაფხულში უნდა მიიღოს. თუმცა ნებართვის მიღება გარემოს დაცვის სამინისტროს ვერდიქტზეა დამოკიდებული, მშენებლობის დაწყება კი სვანების აზრის შეცვლაზე. გარდა ამისა, საზოგადოების ერთი ნაწილისთვის ინვესტორთან დადებულ ხელშეკრულებაში გაწერილი პირობებიც მიუღებელია. კერძოდ, "ხუდონჰესის" მშენებლობით სახელმწიფო მინიმალურ სარგებელს იღებს. მაგალითად, საკუთარ ქვეყანაში გამომუშავებულ ენერგიას 10 თეთრად იყიდის, ხოლო 20 წლის განმავლობაში ბიუჯეტი მხოლოდ 410 მილიონ ლარს მიიღებს.

    მაკა ხარაზიშვილი
    08.01.2014

    ლარი უფასურდება, პროდუქტი ძვირდება, დასაქმების მაჩვენებელი არ იცვლება. ხელფასი, სახელმწიფო ბიუჯეტის ხარჯზე, მხოლოდ საჯარო სექტორში დასაქმებულებს გაეზარდათ. ეკონომისტების ნაწილი ლარის გაუფასურებას გეგმაზომიერს უწოდებს და ამბობს, რომ ეკონომიკის განვითარებისთვის მყარი ლარი დამღუპველია. მოსახლეობას კი დამღუპველად ფასების ზრდა და სოციალური ფონის კიდევ უფრო გაუარესება მიაჩნია.

    მარი ჩიტაია
    08.01.2014

    მშენებელთა უმეტესობას მიაჩნია, რომ 2014 წელი უძრავი ქონების ბაზრისთვის კვლავ პრობლემური იქნება. მიზეზი პრობლემის გადაჭრის ერთიანი გეგმის უქონლობაა. უძრავი ქონების ბაზარზე მდგომარეობის გასაუმჯობესებლად ბიზნესმენები ხელისუფლებისგან საგადასახადო შეღავათების დაწესებას ითხოვენ. ისინი მიიჩნევენ, რომ ეს ერთადერთი პირობაა, რაც სამშენებლო სექტორს გამოაცოცხლებს.

    ელზა წიკლაური
    31.12.2013

    თბილისში 1 კვ/მ ბინის ფასი 400 დოლარიდან იწყება და 1100 დოლარამდე ადის, თითქმის ანალოგიური ფასებია ერევანშიც, სადაც 1 კვ/მ 600-1100 დოლარის ფარგლებშია, ბაქოში - 630-დან და 2300 დოლარამდე, მოსკოვში კი ფასი 4500 დოლარიდან იწყება და 5200 დოლარამდე ადის. რაც შეეხება მეზობელი თურქეთის სიდიდით პირველ ქალაქს - სტამბულს, იქ ერთი 1 კვ/მ-ის ფასი 500-დან 1400 დოლარამდე მერყეობს.

    მარი ჩიტაია
    31.12.2013

    საქართველოში მეცხოველეობის დარგს პრობლემები აქვს. იშვიათი გამონაკლისის გარდა, ამ სფეროში ძნელად მოიძებნება ისეთი სექტორი, სადაც მდგომარეობა გამოსწორდა. სერიოზული პრობლემებია მესაქონლეობაში, რასაც ქვეყნის აღმოსავლეთ და დასავლეთ ნაწილში სულადობის შემცირებაც ადასტურებს.

    მაკა ხარაზიშვილი
    31.12.2013

    წლეულს მთავრობის ერთ-ერთი პრიორიტეტი მცირე ლა საშუალო ბიზნესის მხარდაჭერა იყო. ამ ბიზნესს ახალი სამუშაო ადგილები უნდა შეექმნა. სტატისტიკური მაჩვენებელი კი ცხადყოფს, რომ ქვეყანაში დასაქმების დონე არ შეცვლილა. აღმოჩნდა, რომ წელს ბიზნესის მხარდასაჭერად სხვადასხვა პროექტები მზადდებოდა და ხალხის დამსაქმებელ ბიზნესს გაისად ეშველება.

    ელზა წიკლაური
    31.12.2013

    2013 წლის ერთ-ერთი მნიშვნელოვანი პროექტი, რაც ახალმა მთავრობამ განახორციელა - საყოველთა ჯანდაცვის პროგრამაა. პროგრამის ამოქმედებამ საქართველოს იმ მოქალაქეებს, რომლებიც მანამდე სამედიცინო სადაზღვევო მომსახურებით არ სარგებლობდნენ, შესაძლებლობა მისცა, რომ სამედიცინო დაწესებულებებში როგორც ამბულატორიული, ასევე გადაუდებელი და გეგმიური სტაციონარული მომსახურება მიეღოთ.


    Copyright © 2006-2019 by Resonance ltd. . All rights reserved
    ×