სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    მაკა ხარაზიშვილი
    31.08.2012

    "საქართველოში ტყეებთან დაკავშირებით არ არსებობს სისტემური მიდგომა, ხელისუფლება არ იყენებს მსოფლიო გამოცდილებას. ამასობაში ნადგურდება ტყის მასივები და გლობალური დათბობის ფონზე ხშირდება სტიქია", - აცხადებენ "მწვანეთა" მოძრაობაში. ენერგეტიკის სამინისტრომ ტყეების ეფექტური მართვის მიზნით, რეფორმები განახორციელა, სხვადასხვა კანონში უამრავი ცვლილება შევიდა, თუმცა სპეციალისტები მიიჩნევენ, რომ აღნიშნული რეფორმა ეფექტური ვერ იქნება და სატყეო სექტორში სავალალო მდგომრეობა არ შეიცვლება.

    თეონა ჭიტაძე
    30.08.2012

    უძრავი ქონების ბაზარი მორიგი კრიზისის საშიშროების წინაშე დგას. ზოგიერთი სამშენებლო კომპანიის წარმომადგენლის განცხადებით, ამ დროისთვის გაყიდვები ძირითადად შეაჩერეს. დროებით შეჩერდა მშენებლობებიც. სამშენებლო კომპანიები გაყიდვების ზრდას ელიან, თუმცა ექსპერტთა შეფასებით ბაზარზე არსებული ვითარების შეცვლა არჩევნებზეა დამოკიდებული.

    ელზა წიკლაური
    29.08.2012

    ქართული მაღალი ხარისხის ხორცი ადგილობრივ ბაზარზე პოზიციებს კარგავს და მის ადგილს იმპორტირებული, დაბალი ხარისხის ხორცი იკავებს. მარტო გასულ წელს საქართველოში იმპორტირებული ხორცის საერთო ღირებულებამ 39,645,3 ათასი ლარი შეადგინა, რაც 2010 წლის მაჩვენებელთან შედარებით 14,625,5 ათასი ლარით მეტია, მაშინ საქართველოში სულ 25,018,8 ათასი ლარის ხორცის იმპორტი განხორციელდა. ადგილობრივ წარმოებაში კი ხორცის მოცულობა 7,1 ათასი ტონით შემცირდა, კერძოდ, 2010 წელს საქართველოში სულ 56,4 ათასი ტონა ხორცის წარმოება მოხდა, 2011-ში კი - 49,3 ათასი ტონის.

    ელზა წიკლაური
    28.08.2012

    ფქვილი ისევ გაძვირდა. ამ დროისთვის, საქართველოს სხვადასხვა რაიონში 1 ტომარა ფქვილი 40-41 ლარი ღირს. მეპურების განცხადებით, ან პური უნდა გააძვირონ ან ზარალზე წავიდნენ. თუმცა, ხაბაზების ერთი ნაწილი ამბობს, რომ არჩევნებამდე პურის გაძვირებას ვერ გაბედავენ, ვინაიდან ეს გადაწყვეტილება მოსახლეობაზე ნეგატიურად იმოქმედებს.

    მაკა ხარაზიშვილი
    28.08.2012

    "ყაზტრანსგაზის" საკონტროლო პაკეტი გაიყიდა. საინფორმაციო სააგენტო "პირველის" ინფორმაციით, კომპანიის აქციები პარტია "განახლებული საქართველოსთვის" ლიდერმა მინდია გულუამ შეისყიდა. სხვათაშორის, "ყაზტრანსგაზის" მფლობელებმა კომპანიის გაყიდვაზე განცხადება რამდენჯერმე გააკეთეს.

    თეონა ჭიტაძე
    28.08.2012

    უცხოური ბანკები საქართველოში საქმიანობის დაწყებას თავს არიდებენ. მიუხედავად იმისა, რომ ზოგიერთ მათგანს ოპერირება უკვე დაწყებული უნდა ჰქონდეს, მათ ფილიალების ამოქმედება არჩევნების შემდეგ გადადეს. ეროვნულ ბანკში კი არ ფლობენ ინფორმაციას თუ რატომ არ ჩანან გაპიარებული უცხოური ბანკები ქართულ ბაზარზე.

    თეონა ჭიტაძე
    28.08.2012

    საქართველში ავეჯის მაღაზიები იხურება. აღნიშნული ტენდენცია განსაკუთრებით ავეჯის სახლ "საბაში" იკვეთება, სადაც გაყიდვების ძალიან დაბალი მაჩვენებლის გამო მოვაჭრეებს ბიზნესის გაგრძელება აღარ უღირთ. იშვიათი გამონაკლისების გარდა, გაყიდვების მაჩვენებელი ძალიან დაბალია ავეჯის სხვა მაღაზიებსა და სალონებში. მათი განმარტებით, დღეისთვის ბაზარზე არასტაბილური მდგომარეობაა და პროგნოზების გაკეთებაც უჭირთ.

    მაკა ხარაზიშვილი
    28.08.2012

    წელს ვაშლის მოსავალი შარშანდელზე უკეთესია, თუმცა იგი ისევ უხარისხოა. შიდა ქართლელი მებაღეები წუხან, რომ უხარისხო შხამ-ქიმიკატების გამო მოსავალი უნადგურდებათ. სოფლის მეურნეობის სამინისტრო კი აღნიშნულ პრობლემაზე ვერ რეაგირებს. მებაღეების ინფორმაციით, საქართველოს ბაზარზე 1 ყუთი ვაშლი 4-5 ლარი ღირს, აზერბაიჯანელები კი უმაღლესი ხარისხის ვაშლს საშუალოდ 15 ლარად ყიდულობენ. კარგი ხარისხის ვაშლი კი ყოველ წელს დეფიციტური ხდება.

    მაკა ხარაზიშვილი
    25.08.2012

    უკრაინული კომპანია "გრინ აპეკსი" რუსთავსა და სურამთან ქარის ელექტროსადგურების აშენებას გეგმავს. ამ ეტაპზე მიმდინარეობს ტექნიკურ-ეკონომიკური დასაბუთების დოკუმენტის მომზადება. 2013 წლიდან კი ჩეხურმა კომპანიამ "ვინდ ენერჯი ინვესტმა" ქარის ელექტრო სადგური ფარავნის ტბასთან უნდა ააშენოს.

    ელზა წიკლაური
    24.08.2012

    "კერძო ბიზნესის უმოქმედობის" გამო სოფლებში სახელმწიფო კომპანიების შექმნის იდეას საბაზრო ეკონომიკის პრინციპებთან შეუსაბამოს უწოდებენ ექსპერტები. მათივე პოზიციით, ეს არის სოციალისტური მოდელი, რომელიც არ იმუშავებს და შესაბამისად, ასეთი კომპანიების შექმნაში დახარჯული ფულიც წყალში გადაყრილი აღმოჩნდება.

    მაკა ხარაზიშვილი
    24.08.2012

    რამდენიმეთვიანი გიაფების შემდეგ ოქრო ისევ ძვირდება. ერთ კვირაში ლონდონის ბირჟაზე ოქროს ღირებულება 60 დოლარით გაიზარდა. ამ დროისთვის 1 უნცია ოქრო 1665,25 დოლარი ღირს. ექსპერტების ვარაუდით, შეიძლება წელს ოქროს მსოფლიო ფასმა ახალი რეკორდი დაამყაროს და უნციაზე 2000 დოლარს მიაღწიოს. სააგენტო "როიტერის" ექსპერტები ოქროს ღირებულების პიკს, უნციაზე 2000 დოლარს, 2012 წლის ოქტომბერსა და 2013 წლის მარტს შორის პერიოდში ელოდებიან. ოქრო გაძვირდა საქართველოშიც 10,0 უნცია ოქროს საინვესტიციო მონეტის სარეალიზაციო ფასი 28347,65 ლარს შეადგენს.

    მაკა ხარაზიშვილი
    23.08.2012

      18-წლიანი ლოდინის შემდეგ რუსეთი ვაჭრობის მსოფლიო ორგანიზაციის წევრებს ოფიციალურად შეუერთდა. ორგანიზაციასთან რუსეთის მიერთების ოქმს ქვეყნის პრეზიდენტმა ვლადიმერ პუტინმა ხელი გუშინ მოაწერა. გაიხსნება თუ არა ქართული პროდუქციისთვის რუსეთის ბაზარი, ისევ კითხვის ნიშნის ქვეშ დგას. ექსპერტების განცხადებით, რუსული ემბარგო პოლიტიკური გადაწყვეტილებაა, რომელსაც მოტივად ქართული პროდუქტის "დაბალი ხარისხი" ადევს. შესაბამისად, რუსულ ბაზარზე შესასვლელად ქართულმა კომპანიებმა უნდა დაამტკიცონ, რომ მათი პროდუქტი ხარისხიანია და ვმო რუსეთზე ზეწოლის ბერკეტად გამოიყენონ.


    Copyright © 2006-2018 by Resonance ltd. . All rights reserved