სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    მარი ჩიტაია
    20.09.2013

    საქართველოში ვიზიტორების მიერ გაწეულ ხარჯზე ტურიზმის ეროვნული ადმინისტრაციის მონაცემები გადაჭარბებულია. უწყების ინფორმაციით, ქვეყანაში ვიზიტორების მიერ გაწეულმა მთლიანმა ხარჯმა 1 703 673 938 ლარი შეადგინა. 2013 წლის პირველი 8 თვის განმავლობაში კი საქართველოში 3 568 518 მოგზაური შემოვიდა. გამოდის, რომ თითოეული ვიზიტორი, საშუალოდ, 477 დოლარს ხარჯავს, რასაც ტურიზმის სფეროს ექსპერტები არარეალურად მიიჩნევენ. თუ გავითვალისწინებთ, რომ შემოსული ვიზიტორების 30% ღამეს აქ არ ათევს, სავარაუდოდ, ციფრებში დიდი ცდომილებაა.

    ელზა წიკლაური
    20.09.2013

    ხუდონჰესის პროექტის დიდი საჯარო განხილვა დაიწყო. "ტრანსელექტრიკა ჯორჯიამ", რომელიც ხუდონჰესის მშენებლობის პროექტს ახორციელებს, სოფლიდან მოსახლეობის განსახლების გეგმის მეორე ფაზის შესამუშავებლად ხელშეკრულება უკვე გააფორმა. შეთანხმება კანადურ კომპანია "რეპლან"-თან და განსახლების საერთაშორისო ექსპერტ ფედერიკო ჯონავენსთან შედგა.

    მარიამ აფციაური
    19.09.2013

    საშემოდგომო სეზონზე აქტუალურია, სათავგადასავლო, კულტურული და ღვინის ტურები. ინტერესი განსაკუთრებით კახეთის მიმართულებით შეინიშნება. ტურისტული კომპანიების უმეტესობა უცხოელთა ნაკადის შემცირებაზეც საუბრობს. გარდა საშემოდგომო მარშრუტებისა, ისინი იმ პრობლემებზე ამახვილებენ ყურადღებას, რაც ამ კუთხით არსებობს. სრულიად განსხვავებული მონაცემები აქვს საქართველოს ტურიზმის ეროვნულ ადმინისტრაციას. მათი განცხადებით, წლეულს უცხოელთა ნაკადი ქვეყანაში გაზრდილია.

    მარი ჩიტაია
    19.09.2013

    დედაქალაქსა და რეგიონებში ვადაგასული და უხარისხო საკვების რეალიზაციის ფაქტები გამოვლინდა. მიუხედავად იმისა, რომ სურსათის ეროვნულმა სააგენტომ კონტროლი გააძლიერა, პრობლემა კვლავაც მოუგვარებელია. არასამთავრობო ორგანიზაციების წარმომადგენლები და სურსათის ექსპერტები კვების ობიექტებში არსებულ მდგომარეობას საგანგაშოდ მიიჩნევენ. მათი განცხადებით, პრობლემა იარსებებს, სანამ არ მიიღებენ კანონს მომხმარებელთა უფლებების შესახებ, რომელშიც მკაცრად იქნება განსაზღვრული მეწარმის პასუხისმგებლობა.

    ელზა წიკლაური
    18.09.2013

    ანტიმონოპოლიური კანონმდებლობის მიღება წარმოუდგენლად იჭიმება. შემუშავებული კანონპროექტი ეკონომიკის სამინისტროს პარლამენტში ჯერ ისევ არ შეუტანია. როგორც დარგობრივი ეკონომიკის კომიტეტში ამბობენ, კვირიკაშვილის უწყებისგან მიიღეს დაპირება, რომ საბოლოო ვარიანტს პარლამენტში საშემოდგომო სესიების მიმდინარეობისას შეიტანენ. ექსპერტების აზრით, კანონპროექტის განხილვა ვერც შემოდგომისთვის მოესწრება და საერთოდ, ქვეყანა 2013 წელს ანტიმონოპოლიური სამსახურის გარეშე ჩაამთავრებს.

    მაკა ხარაზიშვილი
    17.09.2013

    2 წელიწადში საქართველოს დამატებით 300-350 მეგავატი ელექტროენერგია ექნება, თუმცა ეს იმ შემთხვევაში, თუკი უახლოეს პერიოდში, რამედენიმე მსხვილი და საშუალო ჰესის მშენებლობა დასრულდება. ჯერჯერობით კი დღემდე გაურკვეველია, ენგურჰესის შემდეგ ყველაზე დიდი ჰესის - "ხუდონის" ბედი, ნამახვანის კასკადისთვის კი ჯერ ინვესტორიც ვერ მოიძებნა.

    მარი ჩიტაია
    17.09.2013

    სასკოლო სახელმძღვანელოები არ გაძვირებულა. კერძო სკოლის მოსწავლეებისთვის წიგნები იმ გამომცელობებმა დაბეჭდეს, რომლებიც განათლებისა და მეცნიერების სამინისტროს ტენდერში არ მონაწილეობენ. გამომცემლობების წარმომადგენელთა ინფორმაციით, შეკვეთები, ძირითადად, კერძო სკოლებისგან ჰქონდათ, თუმცა ამ სკოლების ზოგიერთმა მოსწავლემ წიგნები, პედაგოგების მითითებით, დამოუკიდებლადაც შეიძინა.

    ელზა წიკლაური
    14.09.2013

    ქართული ღვინო რუსულ ბაზარზე დაბრუნდა, მოლდოვურ ღვინოს კი გენადი ონიშჩენკომ ისევ ემბარგო დაუწესა. აღნიშნული გადაწყვეტილება რუსეთის მთავარმა სანიტარმა ორიოდე დღის წინ მიიღო და ამის მიზეზად ისევ სანიტარიული ნორმების დარღვევა დაასახელა. რუსული ბაზრის 10-12%, რომელიც მოლდოვურ ღვინოს ეკავა, გამოთავისუფლდა. მისი ადგილი, გამორიცხული არ არის, რომ ემბარგომოხსნილმა ქართულმა ღვინომ დაიკავოს.

    მარი ჩიტაია
    14.09.2013

    "ფლაი ჯორჯია" საქმიანობას არ შეაჩერებს. მიუხედავად იმისა, რომ კომპანია თვითმფრინავის გარეშე დარჩა, "ფლაი ჯორჯია" დამატებითი რესურსების გამოყენებას შეეცდება და ამისთვის მაქსიმუმს გააკეთებს. იმ მოსაზრებით, რომ ხელოვნური ბარიერი კვლავაც არ შეუქმნან, კომპანიაში სხვა დეტალებზე წინასწარ არ საუბრობენ.

    მარი ჩიტაია
    13.09.2013

    საქართველოში უძრავი ქონების ბაზარზე სტაგნაცია გრძელდება. ბოლო რამდენიმე თვეა, ქვეყანაში არც ერთი მასშტაბური სამშენებლო პროექტი არ განხორციელებულა. დარგის სპეციალისტებს მიაჩნიათ, რომ პროცესები პოლიტიკური მდგომარეობის გამო ჭიანურდება, რაც ბიძინა ივანიშვილის პოლიტიკიდან წასვლის განცხადებამ კიდევ უფრო გააღრმავა.

    მარი ჩიტაია
    12.09.2013

    თბილისში ისევ ხურდა ფულის პრობლემაა, სამაგიეროდ, მომრავლდა მსხვილი კუპიურები, რომლის "დაშლაზე" შეიძლება მომხმარებელს ბანკმაც კი უარი უთხრან. ასეთ შემთხვევას დედაქალაქის მოსახლეობა ხნირას აწყდება. მიუხედავად იმისა, რომ ამგვარ ფაქტებს ბანკები უარყოფენ და არც ეროვნული ბანკი ადასტურებს, პრობლემა ბოლო დროს მასშტაბურიც კი გახდა.

    მარი ჩიტაია
    11.09.2013

    წლეულს ციტრუსის მოსავალი 70 ათას ტონას გადააჭარბებს. აჭარის სოფლის მეურნეობის სამინისტროში აცხადებენ, რომ წელს პირველი შემთხვევაა, როცა მოსავლის მიღება-გადამუშავება მოხდება თანამედროვე სტანდარტით. სიახლეა ისიც, რომ რუსული ემბარგოს შემდეგ ციტრუსი რუსეთის ბაზარზე პირველად გავა, თუმცა, ანალოგიურად, ახალი ბაზრების ათვისებაც მოხდება. ციტრუსის ექსპორტისთვის ერთ-ერთ წარმატებულ ბაზრად მოიაზრება შუა აზიაც, სადაც ქართული ნაწარმის მიმართ დიდი ინტერესია.


    Copyright © 2006-2019 by Resonance ltd. . All rights reserved
    ×