ელზა წიკლაური
15.03.2014

უკრაინა-რუსეთის კრიზისისა და დასავლეთიდან ეკონიმიკური სანქციების დაწესების შიშით, რუსეთში ინვესტორები ფასიან ქაღალდებს თავიდან იშორებენ. საბირჟო პანიკის ფონზე, უფასურდება რუბლიც. გუშინ ბანკთაშორის სავალუტო ბირჟაზე რუბლის კურსი ისტორიულ მინიმუმამდე დაეცა. უკვე ცნობილია იმ მაღალჩინოსანთა სია, რომელთაც უახლოეს პერიოდში ევროკავშირმა, შესაძლოა, სანქციები დაუწესოს. რუსი ექსპერტები შიშობენ, რომ თუ რუსეთსა და დასავლეთს შორის დაპირისპირება არ განიმუხტება, მათ სამშობლოს "ირანიზაცია" ემუქრება.

მაკა ხარაზიშვილი
14.03.2014

შარშან ხორბლის იმპორტი შემცირდა. სპეციალისტები ამ ფაქტს ბაზარზე სტაბილურად დაბალი ფასით ხსნიან. თუკი რუსეთს ეკონომიკური სანქციები არ დაუწესეს, მარცვლეული წელს გაიაფდება, რადგან მსოფლიო უხვი მოსავლის მოლოდინშია.

მარი ჩიტაია
14.03.2014

რეგიონებში მომხმარებელთა უფლებების დარღვევის ფაქტი გახშირდა. ყველაზე მეტ დარღვევა სასურსათო მაღაზიებში აღნიშნება. მომხმარებელები პრობლემას აწყდებიან ტექნიკის შეძენის დროსაც.

ელზა წიკლაური
13.03.2014

ეკონომიკური ზრდის ფონზე, ქვეყანაში უმუშევრობის მაჩვენებელი მატულობს. სტატისტიკის ეროვნული სამსახურის მონაცემებით, 2013 წლის მეოთხე კვარტალში, წინა წლის ანალოგიურ პერიოდთან შედარებით, საწარმოებში დასაქმებულთა რიცხვი 9 ათასი ადამიანით შემცირდა. ექსპერტები მიიჩნევენ, რომ თუ სამუშაო ადგილების შემცირებამ ტენდენციის სახე მიიღო, ის მთლიანად ბაზარზე ცუდად იმოქმედებს.

მარი ჩიტაია
13.03.2014

საქართველოს სამშენებლო ბაზარი ახალი გამოწვევის წინაშეა. თბილისური "ხრუშჩოვკების" დემონტაჟის მიზნით არაბი ინვესტორის შემოსვლამ, შესაძლოა, მშენებელთა ნაწილს პრობლემა შეუქმნას. განსაკუთრებით მათ, რომლებიც აღებული ვალდებულების შესრულებას ბანკების დახმარებით ცდილობენ. სამშენებლო ბიზნესის წარმომადგენლები ფიქრობენ, რომ ისინი ვერ გაუძლებენ კონკურენციას და პოზიციის დათმობა მოუწევთ.

მაკა ხარაზიშვილი
13.03.2014

2014 წლის ბოლომდე ტყე 100 ჰექტარზე გაშენდება. ტყეების ეროვნულ სააგენტოში შესაბამისი გეგმა უკვე გაიწერა. განაშენიანების პროცესში, გარემოს დაცვის სამინისტროსთან ერთად, ჩაებმებიან მუნიციპალიტეტები, საერთაშორისო ორგანიზაციები და კერძო პირები.

მარი ჩიტაია
12.03.2014

600-მილიონიანი ინვესტიცია, რომელიც "ხრუშჩოვკების" დემონტაჟისა და ახალი საცხოვრებელი სახლების მშენებლობას ითვალისწინებს, არასაკმარისია. სპეციალისტების გათვლით, ამ თანხით შეიძლება აშენდეს ბინა დაახლოებით 20 000 ოჯახისთვის. ეს მაშინ, როცა თბილისში 350 000 ოჯახი ავარიულ სახლში ცხოვრობს, რაც მთლიანი მოსახლეობის 70%-ს შეადგენს.

მაკა ხარაზიშვილი
12.03.2014

2013 წლის საინვესტიციო მონაგარმა 2012 წლის მაჩვენებელს სულ რაღაც 2 მილიონი დოლარით გადააჭარბა. ეს ნიშნავს, შარშან არათუ ნაპროგნოზევი 2 მილიარდი, არამედ 1 მილიარდი დოლარიც კი არ შემოვიდა. აბსოლუტურად შეიცვალა ინვესტორი ქვეყნების სამეულიც. თუ ადრე კაპიტალდაბანდებაში ყაზახები, არაბები და თურქები ლიდერობდნენ, ამჯერად ყველაზე მეტი ინვესტიცია ნიდერლანდებიდან, ლუქსემბურგიდან და ჩინეთიდან შემოვიდა.

მაკა ხარაზიშვილი
11.03.2014

ბოლო რამდენიმე თვეა ეკონომიკა იზრდება, მოსახლეობის სოციალური მდგომარეობა კი არ უმჯობესდება. სპეციალისტების ნაწილი კვლავ წლის მეორე ნახევრის მოლოდინაშია. დასაქმების ზრდა და სოციალური ფონის გაუმჯობესებას ისევ რამდენიმე თვის ლოდინი სჭირდება.

მარი ჩიტაია
11.03.2014

რესტორნებს და კაფე-ბარებს რეგიონებში პრობლემა აქვთ. იშვიათი გამონაკლისის გარდა, მათ უმეტესობას მომხმარებელი თითქმის არ ჰყავს. მიზეზი, რასაც შეიძლება დეფიციტი გამოეწვია, ბარ-რესტორნების მენეჯერებისთვის უცნობია. მათი ნაწილი ამბობს, რომ მაღალ სეგმენტზე მომუშავე წამყვან რესტორნებს რეგიონებში იმდენად გაუჭირდათ, რომ ბოლო დროს თავი იჩინა მომსახურე პერსონალის შენახვის პრობლემამაც. არ არის გამორიცხული, ზოგიერთი ობიექტი დახურვის პირასაც აღმოჩნდეს.

მარი ჩიტაია
11.03.2014

სადღესასწაულო განწყობა ყვავილებისა და პარფიუმერული ნაწარმის ბიზნესში წელს ნაკლებად იგრძნობა. ორივე მიმართულებით მომხმარებლის დეფიციტია. ყვავილების მაღაზიებში ამბობენ, რომ აქტიური არც წინა გაზაფხული იყო. მოთხოვნა განსაკუთერებით ძვირადღირებულ ყვავილებზე შემცირდა. თითქმის ანალოგიურია პარფიუმერულ მაღაზიებში არსებული ვითარება.

მაკა ხარაზიშვილი
08.03.2014

პარლამენტში ბანკების მიერ არაპროფილური ბიზნესების მართვის აკრძალვას განიხილავენ. სავარაუდოდ, განხილვაგანხილვად დარჩება, ვინაიდან ეს საკითხი არაერთხელ დამდგარა მთავრობისა თუ პარლამენტის წინაშე, თუმცა ბანკები ხელშეუხებლები არიან.


Copyright © 2006-2020 by Resonance ltd. . All rights reserved
×