მაკა ხარაზიშვილი
14.05.2014

მეწარმეობის განვითარების სააგენტოს ამოქმედება ამჯერად სექტემბრამდე გადაიდო. თუკი სააგენტო სექტემბერში მაინც ამოქმედდა, პროექტების განხორციელებაზე კონკურსი, სავარაუდოდ, ნოემბერში გამოცხადდება. კონკურსის შედეგები დეკემბრის ბოლომდე არ იქნება. შესაბამისად, წელს მცირე მეწარმეები ამ სააგენტოსგან რაიმე დაფინანსების მიღებას ნუღარ დაელოდებიან.

მაკა ხარაზიშვილი
13.05.2014

როგორ იხარჯება ფინანსთა სამინისტროს მიერ ერთ კომერციულ ბანკში დეპოზიტის სახით განთავსებული ბიუჯეტის ფული, გაურკვეველია. ცნობილი არის მხოლოდ ის, რომ ფინანსთა სამინისტრომ, ეკონომიკის დაკრედიტების მოტივით, ორი წამყვანი ქართული ბანკიდან ერთ-ერთ ბანკში 100 მილიონამდე ლარის დეპოზიტი განათავსა. კონკრეტულად რომელ ბიზნესპროექტებს მოხმარდება ეს თანხა ან საერთოდ თუ მოხმარდება, არავინ იცის.

მაკა ხარაზიშვილი
13.05.2014

წელს საქართველოში 1 მილიარდი დოლარის პირდაპირი უცხოური ინვესტიცია შემოვა. ექსპერტებისთვის ეს მაჩვენებელი მოულოდნელი არ ყოფილა, გამომდინარე იქიდან, რომ ინვესტიციების შემომტანი თანაინვესტირების ფონდი აქტიური არ არის. მარტო საერთაშორისო ორგანიზაციების მიერ გამოყოფილი კრედიტები კი სასურველ საინვესტიციო ამინდს ვერ ქმნის.

მარი ჩიტაია
13.05.2014

აგრარულ ბაზრებსა და მაღაზიებში საადრეო ბოსტნეული და ხილი სიიაფით გამოირჩევა. შარშანდელ ანალოგიურ პერიოდთან შედარებით, სასოფლო-სამეურნეო პროდუქტი დაახლოებით 5-10%-ით იაფია. მოვაჭრეები დაბალ ფასს უხვმოსავლიანობით ხსნიან და ამბობენ, რომ ქართული სოფლებისთვის წლევანდელი პერიოდი განსაკუთრებით ბარაქიანია. მათივე თქმით, სიაფე გაყიდვასაც შეეტყო და მომხმარებელი უფრო აქტიური გახდა.

მაკა ხარაზიშვილი
10.05.2014

რამდენი უნდა იყოს საარსებო მინიმუმი - ამ თემის ირგვლივ დებატები ისევ არ წყდება. თემა იმდენად პოპულარული გახდა, რომ პოლიტიკური პარტიები წინასაარჩევნო დაპირებებშიც ხშირად იყენებენ. ამჯერად ეს საკითხი ეკონომიკური პრობლემების ექსპერტთა ცენტრმა წამოწია, რომელმაც საარსებო მინიმუმის დათვლის ახალი მეთოდოლოგია შეიმუშავა.

მარი ჩიტაია
10.05.2014

ჯერ კიდევ წინა ხელისუფლების დროს ჩამკვდარი სამშენებლო ბიზნესი სრულ სტაგნაციაშია. ქართველი ურბანისტების შეფასებით, არც ერთი ნაბიჯით არ წაწეულა საქმე, რაც დიდწილად ქვეყნის ეკონომიკური ვითარებითაა გამოწვეული. სამშენებლო ბაზარი ცვლილებების მოლოდინშია. სულ ახლახან დასრულდა მუშაობა სამშენებლო კოდექსზე, რომელიც თვის ბოლომდე მთავრობას განსახილველად გადაეცემა.

მაკა ხარაზიშვილი
10.05.2014

ტრანსპორტი, გაზი, საწვავი - "ნაციონალური მოძრაობა" არჩევნებში გამარჯვების შემთხვევაში ამომრჩეველს მათი მმართველობისას გაძვირებული პროდუქტის გაიაფებას სთავაზობს. ექსპერტები აღნიშნავენ, რომ წინა ხელისუფლების წარმომადგენლების მხრიდან ასეთი დაპირებების გაცემა ცინიზმია.

მაკა ხარაზიშვილი
09.05.2014

საერთაშორისო ბაზარზე ბენზინი იაფდება, საქართველოში კი - ძვირდება. წინასაარჩევნოდ ბრენდირებულმა ნავთობკომპანიებმა საწვავის ფასი კიდევ 2-5 თეთრით გაზარდეს. საბოლოო ჯამში, ბოლო 3 კვირაში ბენზინი 8 თეთრით გაძვირდა. სპეციალისტების მტკიცებით, ბაზარზე საწვავის გაძვირების საფუძველი არ არსებობდა.

მარი ჩიტაია
09.05.2014

ღვინისა და მინერალური წყლების შემდეგ, ექსპორტზე ქართული უალკოჰოლო პროდუქტი მოწინავე პოზიციაზეა. სტატისტიკის ეროვნული სამსახურის მონაცემებით, 2014 წლის პირველ კვარტალში, ხილისა და ბოსტნეულის წვენების ექსპორტი 2,884 აშშ დოლარს შეადგენს, სხვადასხვა წყლის მაჩვენებელი კი 3,236 აშშ დოლარია. კომპანიებში აცხადებენ, რომ ექსპორტი მუდმივად მზარდია.

მარი ჩიტაია
08.05.2014

ადგილობრივი წარმოების საოჯახო ღვინო 30-50%-ით გაძვირდა. 1 ლიტრი ღვინის ფასი, საშუალოდ, 4-5 ლარია, ხოლო ზოგიერთ შემთხვევაში, მისი ღირებულება 12-17 ლარსაც აღწევს.

მაკა ხარაზიშვილი
08.05.2014

2012 წლიდან მოყოლებული ჰიდროელექტროსადგურების მიერ გამომუშავებული ელექტროენერგია 1,3 მლრდ კვტ/სთ-ით გაიზარდა. იმ ფონზე, როდესაც დაგეგმილია რამდენიმე ათეული მცირე და საშუალო ჰესის მშენებლობა, ადგილობრივი გენერაცია, უახლოეს მომავალში კიდევ რამდენიმე მილიარდი კილოვატ/საათით უნდა გაიზარდოს.

მარიამ აფციაური
08.05.2014

უვიზო მიმოსვლა მგზავრთა ნაკადზე აისახება. როგორც ავიაკომპანიებში აცხადებენ, ამჟამად ყველაზე დიდი მოთხოვნა ისეთ ქვეყნებზეა, სადაც გასამგზავრებლად ვიზა არ არის საჭირო. ისინი ევროპაში სავიზო რეჟიმის გაუქმებასთან დაკავშირებით პროგნოზსაც აკეთებენ. მათი აზრით, ცვლილება ტურისტების 20-30%-იან მატებას და რეისების ზრდას გამოიწვევს.


Copyright © 2006-2020 by Resonance ltd. . All rights reserved
×