მარიამ აფციაური
30.01.2014

თურქეთის ტერიტორიაზე მოძრავ 500-მდე სატრანსპორტო საშუალებას სატრანზიტო გადასახადის გადახდა მოუწევს. სახმელეთო სატრანსპორტო სააგენტოს ინფორმაციით, თურქეთმა ქართველი სატრანზიტო გადამზიდავებისთვის მოსაკრებელი ქართული მხარის საპასუხოდ შემოიღო. მსგავსი გადასახადი საქართველომ თურქ გადამზიდავებს, რომლებიც ჩვენი ქვეყნის ტერიტორიაზე გადაადგილდებიან, 3 წლის წინათ, 200 ლარის ოდენობით დაუდგინა.

მარიამ აფციაური
30.01.2014

ავიაკომპანია "ვიზ ეარი" 2014 წლისთვის მგზავრთა ნაკადის გაორმაგებას, ანუ 340 000-მდე გაზრდას გეგმავს. კომპანია ასევე ახალი მიმართულებების ათვისებასაც აპირებს. კომპანიის პრეზიდენტის, ჯოზეფ ვარადის განმარტებით, ვილნიუსში ფრენა 31 მარტიდან, კვირაში ორჯერ შესრულდება, ხოლო ლვოვის მიმართულებით 1-ლი მაისიდან განხორციელდება. ბილეთის ფასი 39 ევროდან იქნება.

მარიამ აფციაური
30.01.2014

ეკონომიკის სამინისტროსა და ზუგდიდის გამგეობაში აცხადებენ, რომ ანაკლიის აეროპორტის პროექტი კვლავ დამუშავების პოცესშია. ზუგდიდის გამგებლის მოადგილის, მერაბ ქვარაიას თქმით, ამ საკითხი მხოლოდ გარემოს დამცველების და სხვადასხვა სფეროს მუშაკების შეფასებისა და დასკვნის შემდეგ დაიძვრება. არასამთავრობო ორგანიზაცია "მწვანე ალტერნატივაში" ამბობენ, რომ ამ დრომდე მათთან კონსულტაციის სურვილი არავის გამოუთქვამს, შესაბამისად, დღემდე პროექტი თვალითაც არ უნახავთ.

მაკა ხარაზიშვილი
29.01.2014

"რეზონასის" მიერ მოპოვებული ინფორმაციით, 2013 წლის ბიუჯეტის შემოსავლებს 614,440 მილიონი ლარი დააკლდა. ეს ნიშნავს, რომ სახელმწიფო ბიუჯეტის საშემოსავლო ნაწილი 8,3%-ით გაირღვა. ყველაზე მეტი თანხა ბიუჯეტს დამატებული ღირებულების გადასახადიდან (დღგ) დააკლდა. რაც შეეხება ხარჯებს, კაპიტალური ხარჯები ვერ შესრულდა, ძირითადი ვალდებულებების მხრივ კი პრობლემები არ ყოფილა.

მარი ჩიტაია
29.01.2014

ლარის კურსი საწვავის ფასებზე ადეკვატურ გავლენას ახდენს. ქართველი იმპორტიორების განცხადებით, ეროვნული ვალუტის დაცემა თუ გაგრძელდა, საწვავზე არსებულ ფასებს ვერ შეინარჩუნებენ. რა მაჩვენებლით შეიძლება საწვავი გაძვირდეს, კომპანიებში ვერ აკონკრეტებენ.

მაკა ხარაზიშვილი
28.01.2014

 საქართველო ელექტროენერგიის ექსპორტიორი სტატუსის მორგებას ცდილობს, ქვეყანაში კი ელექტროენერგიის წარმოება მცირდება. ენერგეტიკოსების ნაწილი ამ ფაქტს ელექტროსადგურებით გაუმართაობით ხსნის, ნაწილი კი ჰიდროლოგიური ციკლის შემცირები. ფაქტი ერთია, ელექტროენერგიის წარმოება 2013 წელს, 2012 წელთან შედარებით, 556 მილიონი კვტ/სთ-ით შემცირდა, 2011 წელთან შედარებით კი, თითქმის 1 მილიარდი კვტ/სთ-ით.

მაკა ხარაზიშვილი
28.01.2014

საქართველოს მოსახლეობა, წელიწადში 55 ათას ტონა ხორცს მოიხმარს. აქედან დაახლოებით ნახევარი იმპორტირებული დაბალი ხარისხის ხორცია, რომელიც ხშირ შემთხვევაში ჯანმრთელობისთვის მავნე პროდუქტად მიიჩნევა. 80-იან წლებთან შედარებით, ადგილობრივი ხორცის წარმოება დაახლოებით 5-ჯერ არის შემცირებული, რაც საგანგაშოა და შესაბამის უწყებებს ამ საკითხზე ყურადღების გამახვილება მართებთ.

ელზა წიკლაური
28.01.2014

 თბილისში 1 კბ/მ წყალი 0,26 ლარი ღირს, სულადობრივი გადასახადი კი 3,15 ლარია, რეგიონებში კი 2,40 ლარს შეადგენს. რუსეთში 1 კბ/მ წყლის საფასური სხვადასხვა რეგიონში სხვადასხვაა. მაგალითად, თუ მოსკოვში 1 კბ/მ ცივი წყალი დაახლოებით 2,51 ლარი ღირს, ნოვოსიბირსკში მისი ფასი 0,60 ლარს შეადგენს. უკრაინელი მომხმარებელები 1 კბ/მ წყალში 0,55 ლარს იხდიან, სომეხი მომხმარებლები - 0,72 ლარს, ბელორუსები - 0,45 ლარს, აზერბაიჯანელები კი - 0,66 ლარს.

მარი ჩიტაია
28.01.2014

დიღმის ცხოველების ბაზრობას სახელწოდება, შეიძლება ითქვას, პირობითად შემორჩა. აქაურობისთვის თვალის ერთი შევლებაც ადასტურებს, რომ მოვაჭრეებსა და გასაყიდად გამოყვანილ ცხოველებსაც ძალიან უჭირთ. ბაზრობისთვის ელემენტარული პირობები არ არსებობს. გასაყიდი ცხოველების უმეტესობა ძაღლებია. ცხოველთა სხვა სახეობებს აქ იშვიათად წააწყდებით.

ელზა წიკლაური
28.01.2014

თბილისის მერია მცირე და საშუალო ბიზნესის ხელშეწყობის მიზნით პროექტ "ათასი ჯიხურის" ფარგლებში აუქციონებს ისევ აგრძელებს. მერიის ქონების მართვის სააგენტოს ინფორმაციით, ამ ეტაპზე იჯარით დაახლოებით 300 ლოტია გაცემული, 90 ლოტი კი კომპანიების ნაწილმა უკან დააბრუნა. შესაბამისად, აუქციონში მონაწილეთა ერთი ნაწილი პროექტს წარმატებულს უწოდებს, მეორე ნაწილი კი წარუმატებელს.

მარი ჩიტაია
25.01.2014

2013 წელს, შარშანდელ ანალოგიურ პერიოდთან შედარებით, მინერალური წყლების ექსპორტი 71%-ით გაიზარდა. ღვინისა და სხვა ალკოჰოლური სასმელების უცხოეთში გატანა კი გაორმაგდა. ეს ყველაზე მაღალი შედეგია, რომელიც 2008 წლის შემდეგ ღვინისა და მინერალური წყლების ექსპორტმა აჩვენა.

მაკა ხარაზიშვილი
25.01.2014

2013 წელს ექსპორტის ზრდამ იმპორტს 21,6%-ით გადააჭარბა. ექსპორტის რეკორდული ზრდა დაფიქსირდა ევროკავშირის ქვეყნებში. ევროპაში 2013 წელს 72%-ით მეტი პროდუქტი გავიდა, ვიდრე 2012 წელს. ზოგადად კი, შარშან საგარეო ვაჭრობამ 6%-ით მოიმატა. ექსპორტში ყველაზე დიდი წილი ავტომობილების რეექსპორტს უჭირავს. ამიტომაც ეს ზრდა ეკონომიკის განვითარებაზე მნიშვნელოვნად არ აისახება.


Copyright © 2006-2020 by Resonance ltd. . All rights reserved
×