სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    მარიამ ხიდაშელი
    29.11.2011

    "თავისუფალი საქართველოს" ინფორმაციით, დედოფლისწყაროს მუნიციპალიტეტში უცხოელ ინვესტორებზე სასოფლო-სამეურნეო მიწების მიყიდვა მიმდინარეობს. მიწების უცხოელებზე მიყიდვის მცდელობაზე საუბრობენ შიდა ქართლშიც. ექსპერტები მთავრობას მოუწოდებენ, რომ უცხო ქვეყნის მოქალაქეებზე მიწების გაყიდვა სასწრაფოდ შეწყვიტოს.

    მაკა ხარაზიშვილი
    26.11.2011

    საგადასახადო კოდექსში მორიგი ცვლილებები შედის. ცვლილებებს მთავრობაში საგადასახადო ამნისტიას უწოდებენ, ანუ მეწარმე, რომელსაც 2005 წლამდე რაიმე სახის საგადასახადო დავალიანება გააჩნდა, თუ ძირითად თანხას გადაიხდის, საურავებისგან გათავისუფლდება. ეს იმ მეწარმეებს ეხებათ, რომლებიც 2005 წლის შემდეგ ეკონომიკურ საქმიანობას აღარ ახორციელებენ. ექსპერტების სახით, საგადასახადო დავალიანებებს კანონის მიხედვით ხანდაზმულობის ვადა 6 წელიწადში გასდის, შემდეგ ისინი უიმედო დავალიანებებად ითვლება. შესაბამისად, ცვლილებები არა ამნისტიას, არამედ საგადასახადო ბაზის უიმედო დავალიანებებისგან გაწმენდას ნიშნავს.

    მარი ჩიტაია
    26.11.2011

    2012 წლისთვის მთლიანი შიგა პროდუქტი (მშპ) ერთ სულ მოსახლეზე 3100 დოლარს გაუტოლდება. საქართველოსთვის ამ მაჩვენებელს ქვეყნის პრემიერ-მინისტრი საუკეთესოდ მიიჩნევს და ხელისუფლების დამსახურებად ასაღებს. ის, რაც მთავრობის წევრებისთვის თავმოსაწონი და საქებარია, საზოგადოებისთვის დამაეჭვებელი და ხშირად "ფუჭ ოცნებასთან" ასოცირებულია. ეს უფრო იმიტომ, რომ მოსახლეობის სოციალური მდგომარეობა, დასახელებული ციფრებისგან განსხვავებით, უცვლელია ან იცვლება მხოლოდ უარესობისკენ.

    მაკა ხარაზიშვილი
    25.11.2011

    ავტომფლობელები ნავთობკომპანიებისგან ბენზინის გაიაფებას ელიან. თითქმის 2 კვირაა საერთაშორისო ბაზარზე ნავთობის ღირებულება მცირდება. საქართველოში კი საწვავის ფასმა ისტორიულ მაქსიმუმს ვერ დააღწია თავი. "რეზონანსის" გათვლებით, ბენზინის საბითუმო ფასსა და საცალო სარეალიზაციო ფასს შორის სხვაობა უკვე 58 თეთრს შეადგენს. ნავთობკომპანიებს საბითუმო და გასაყიდ ფასს შორის ამხელა მარჟა არასდროს ჰქონიათ. საწვავის გაიაფებასთან დაკავშირებით, ნავთობკომპანიების წარმომადგენლებს ერთი და იგივე დაზეპირებული პასუხი აქვთ - როდესაც საქართველოში იმპორტი განხორციელდა საერთაშორისო ბაზარზე საწვავი ძვირი იყო.

    მარი ჩიტაია
    23.11.2011

    კახეთის რეგიონში მიწის განაყოფიერების მიზნით ჭიაყელების გამრავლება იგეგმება. ქართული რეალობისთვის ამ უცნაური ინიციატივის ავტორი "საქართველოს ფერმერთა სახლია". როგორც "ფერმერთა სახლის" გამგეობის თავმჯდომარე ვახტანგ ქიზიყურაშვილმა კახეთის საინფორმაციო ცენტრს განუცხადა, ამ მიზნით, გურჯაანის რაიონის სოფელ ველისციხეში უკვე გაიხსნა ჭიაყელების მოსამრავლებელი ინკუბატორი.

    მაკა ხარაზიშვილი
    22.11.2011

    ფინანსთა სამინისტრომ 2012 წლისთვის სახაზინო ვალდებულებების ემისიის მოცულობა შეამცირა. გაისად მხოლოდ 85 მილიონი ლარის ფასიანი ქაღალდების გამოშვება დაიგეგმა. ეს იმას არ ნიშნავს, რომ ფინანსთა სამინისტროს საშინაო ვალს მხოლოდ 85 მილიონი ლარით გაზრდის, ვინაიდან სახაზინო ვალდებულებების გეგმის 100-200%-იანი გადაჭარბება ჩვეულებრივი ამბავია. წელსაც ქვეყანა მორიგი საობლიგაციო რეკორდის ზღვარზეა. თუკი წლის ბოლომდე მთავრობა 59 მლნ ლარის ფასიან ქაღალდებს გამოუშვებს, 2010 წლის რეკორდს დაამხობს.

    მაკა ხარაზიშვილი
    17.11.2011

    საქართველოს ცენტრალური და თვითმმართველობების ბიუჯეტები "სხვა ხარჯების" სიუხვით გამოირჩევა. ეს იმ ფონზე ხდება, როდესაც საქართველოს მთავრობამ საერთაშორისო ორგანიზაციებთან ტრანსფარენტული ბიუჯეტით იწონებს თავს. თბილისის მერია კი ბიუჯეტს მოსახლეობასთან კარდაკარ სიარულით აზუსტებს. სახელმწიფო ბიუჯეტში "სხვა, ანუ გაურკვეველი ხარჯები" მილიარდ ლარამდეა გაწერილი. "რესპუბლიკელების" ინფორმაციით კი, 2011 წელს თბილისის მერიის ბიუჯეტის 53% რა მიმართულებით დაიხარჯება სრულიად გაურკვეველი და დაუსაბუთებელია. ამასთან, თბილისის ბიუჯეტი დანარჩენი თვითმმართველობების ბიუჯეტებისგან იმითაც გამოირჩევა, რომ მერია სახელმწიფო ბიუჯეტიდან გამოყოფილი ტრანსფერების ნახევარზე მეტს შთანთქავს, ხოლო დარჩენილი ნახევარი მთლიანად საქართველოს მუნიციპალიტეტებზე ნაწილდება.

    მაკა ხარაზიშვილი
    16.11.2011

    ეკონომიკის მინისტრი ვერა ქობალია საპრივატიზაციო გეგმის გაზრდას ითხოვს. სამინისტროს ინფორმაციით, გეგმა 12 მილიონით უკვე გადაჭარბებულია. წლის ბოლომდე ქობალიას უწყება პრივატიზაციიდან კიდევ 8 მილიონ ლარს ელის. სამინისტრომ საპრივატიზაციო მონაგარის დიდი წილი სასოფლო-სამეურნეო მიწების პრივატიზაციაზე მოდის. თუმცა, სამინისტროს პრესსამსახურმა ამ ინფორმაციის მოწოდება არ ისურვა.

    მაკა ხარაზიშვილი
    15.11.2011

    პროგრამული ბიუჯეტი თითქმის ისეთივე გაუმჭვირვალეა, როგორც წინამდებარე ბიუჯეტები. მთავრობამ წელს საზეიმოდ განაცხადა, რომ ქვეყანა პროგრამულ ბიუჯეტზე გადავიდა. შესაბამისად, როგორც საერთაშორისო ორგანიზაციებს, ისე ქართულ საზოგადოებას ჰქონდა მოლოდინი, რომ ქვეყნის ფინანსური დოკუმენტში, ბოლოს და ბოლოს, დეტალურად იქნებოდა გაწერილი მთავრობის მიერ დახარჯული ხალხის ფული და ვალები, რომელმაც რამდენიმე მილიარდს გადააჭარბა.

    მაკა ხარაზიშვილი
    12.11.2011

    სოფლის მეურნეობის განვითარება მთავრობის ფსევდოპრიორიტეტულ დარგად რჩება. ბიუჯეტში ამ დარგისთვის დაფინანსება შემცირდა, სამაგიეროდ, გაიზარდა სახელმწიფო სტრუქტურებში დასაქმებულთა სახელფასო ანაზღაურება. მთავრობისთვის პრიორიტეტი პენსიონერებიც რომ არ ყოფილა, პარლამენტში დაბრუნებულ ბიუჯეტში კარგად გამოჩნდა, სადაც პრეზიდენტის ინიციატივით, პენსიონერებისთვის გაზრდილი პენსია და სადაზღვევო ხარჯები შესწორებულ ბიუჯეტშიც კი არ არის გატარებული. აღსანიშნავია, რომ ამ ინიციატივასთან დაკავშირებით საზოგადოების ერთმა ნაწილმა გამოთქვა მოსაზრება, რომ პენსიონერების, როგორც აქტიური ამომრჩევლების, საკითხი მთავრობაში ნაუცბათევად, ახლახანს განიხილეს. ამიტომ ინიციატივის ასახვა ბიუჯეტში ვერ მოესწრო.

    მარი ჩიტაია
    10.11.2011

    "ბათუმტერმინალის" ტერიტორიიდან ნავთობი ჟონავს და მოსალოდნელი საფრთხით არც ხელისუფლება ინტერესდება, არც კომპანიის მფლობელი. ეკოლოგები პრობლემის გადაწყვეტაში შეზღუდული, ფაქტობრივად, ნულამდე დაყვანილი ფუნქციის გამო ვერ ერევიან. ოპოზიციური პარტიების წარმომადგენლებისა და ქართველი ეკოლოგების ძალისხმევა, პასუხისმგებლობის საკითხი დადგეს და დასახლებულ ტერიტორიაზე უსაფრთხოების ზომები გამკაცრდეს, ამ ეტაპზეც უშედეგოა.

    მაკა ხარაზიშვილი
    10.11.2011

    საერთაშორისო სავალუტო ფონდი საქართველოს წინაშე არსებულ ერთ-ერთი ყველაზე მნიშვნელოვან გამოწვევად საგარეო ვალს მიიჩნევს. სექტემბრის მდგომარეობით, სახელმწიფო საგარეო ვალი 7 მილიარდ ლარამდეა. საქართველოში სავალუტო ფონდის წარმომადგენელმა ედუარდ გარდნერმა აღნიშნა, რომ საქართველოში ეკონომიკური ზრდა დამაკმაყოფილებელია, თუმცა ეს ფაქტი უმუშევრობის დონეზე არ აისახება.


    Copyright © 2006-2018 by Resonance ltd. . All rights reserved