ია აბულაშვილი
06.11.2020

სხალთის მონასტერი, რომელიც ხულოში, სოფელ ყინჩაურში, მდინარე ხიხანის ხეობაში მდებარეობს, მე-12 საუკუნის ძეგლია და იგი განსაკუთრებულ ადგილს იკავებს ქართული ხუროთმოძღვრების სხვა იშვიათ ძეგლებს შორის. ტაძრის მოხატულობა კი რომლის ფრაგმენტები დღესაც შერჩენილია საკურთხეველში, კამარაზე და დასალეთ კედელზე შუა საუკუნეების კედლის მხატვრობის უნიკალური ნიმუშია. სამონასტრო კომპლექსში შედის დიდი ეკლესია, რომელიც დარბაზული ტიპისაა, მცირე ეკლესია, მარანი და სამარხები. მარანში დღემდე დაცულია ძველი საწნახელი და მიწაში ჩაფლული უზარმაზარი ქვევრები.

ია აბულაშვილი
04.11.2020

მუხრანის ღვთისმშობლის ეკლესია, რომელიც მცხეთიდან ახლოს მუხრანში, ისტორიულ შიოსუბანში დგას, ნიკო მუხრანბატონის მიერ არის აგებული. ეკლესია აგებულია რისყის ქვით და დარბაზული ტიპისაა. ამ ეკლსიაში იხიზნებოდა სოფლის მოსახლოება, როცა მტერი შემოესეოდათ. ბოლშევიკებმა კი ღვთისმშობლის ეკლესია ფურნედ გადაკეთეს და კირით შეღებეს, მაგრამ მისი უნიკალური მხატვრობა და ფრესკები მაინც გადარჩა.

ია აბულაშვილი
03.11.2020

„პატარა ალავერდის“ საყდარი, რომელიც ისტორიულ ჰერეთში, კახში მდებარეობს, ერთ-ერთია იმ 12 ეკლესიიდან, რომელიც ჩვენს წინაპარს, ჯერ კიდევ მე-13 საუკუნეში აუგია. შემდგომ საუკუნეებში, 4 საუკუნის მანძილზე, გარეშე მტერის ხელით გრძელდებოდა უნიკალური ქართული ხუროთმოძვრების ძეგლების ნგრევა-აოხრება. დღეს ამ ეკლესიების უმეტესი ნაწილი ნანგრევების სახით არის შემორჩენილი.

ია აბულაშვილი
01.11.2020

ისტორიულ ჰერეთში, კახში, ჯერ კიდევ მე-13 საუკუნეში თორმეტი ქართული ეკლესია ყოფილა, რომელთა ნანგრევები დღემდე არის შემორჩენილი. მათ შორის არის „კასრის საყდარი“, რომელიც მთის თხემზე მდებარეობს და ტყე აკრავს. ეს სახელი ეკლესიამ მიიღო საყდრის ქვევრისგან, რომელშიც ინახებოდა კახის მოსახლეობისგან შეწირული საზედაშე ღვინო.

ია აბულაშვილი
30.10.2020

სვიფის წმინდა გიორგის ეკლესია მესტიაში, სოფელ სვიფში ერთ-ერთი უძველესი ხუროთმოძღვრული ძეგლია საქართველოში, რომელიც მე-10 საუკუნეში აუგიათ. ეკლესია გამოირჩევა თავისი უნიკალური მხატვრობით და უძველესი ფრესკებით. საუკუნეების მანძილზე აქ დაცული იყო მე-11- მე-12 საუკუნის უძვირფასესი ხატების კოლექცია. ეკლესიას აქვს ჩუქურთმიანი ძველი ხის კარები, რომლიც მე-11 საუკუნით თარიღდება. გადმოცემის თანხმად, კარები ადგილობრივ მცხოვრებს ილორიდან ზურგით ამოუტანია, სახლში მისვლისთანავე კი სული განუტევა.

ია აბულაშვილი
28.10.2020

აძიკვის წმინდა გიორგის ეკლესია, რომელიც მდებარეობს თეთრწყაროში, მანგლისიდან მოშორებით, ისტორიულად სტრატეგიული მნიშვნელობის მდინარე ბზისწყლის ხეობაში, სოფელ გორნახში, ქართული ხუროთმოძღვრების უძველესი ძეგლია და მე-11 საუკუნით თარიღდება; ეკლესიის მინაშენი კი მე-12 საუკუნით თარიღდება.

ია აბულაშვილი
27.10.2020

ლაბეჭინის მთავარანგლოზის სახელობის ეკლესია, რომელიც რაჭაში, ამბროლაურის სოფელ ჭყვიშში ასწლოვანი ხეების გარემოცვაში მდებარებს, მე-13 საუკუნით თარიღდება. ამ ადგილას მე-11 საუკუნეში აგებული ყოფილა ეკლესია, რომელიც მიწისძრის შედეგად დაინგრა. ახალი ეკლესია კი აუგია გაბრიელ ლაბეჭინელს.  ეკლესიის წარწერიდან ირკვევა, რომ ხუროთმოძვრები ყოფილან „ივანე და გაბრიელ გალატოზები“.

ია აბულაშვილი
26.10.2020

ოდიშის დაბლობზე, სოფელ სუჯუნაში დგას თეთრი ქვით ნაგები, სამნავიანი ეკლესია, რომელიც მე-18 საუკუნეში ანტონ ჭყონდიდელს აუგია. ტაძრის აშენების ისტორიის შესახებ საინტერესო ცნობებია დაცული ეკატერინე ჭავჭავაძის პირადი მდივნის თედო ხოშატრიას მემუარებში. როგორც მემატიანე გადმოგვცემს ტაძარი აუგია "ღვთისნიერ და საქმის კარგ მცოდნე, ეროვნებით ბერძენ ოსტატს გიორგის". ეკლესიაში ინახება წმინდა გიორგის ნაწილები და დაბრძანებულია ტიხვინის ღვთისმშობლის ბეჭდური ხატი.

ია აბულაშვილი
25.10.2020

ისტორიულ ქსნის ხეობაში, სოფელ არმაზის მახლობლად, რომლის სახელიც ქართველთა წარმართულ ღვთაებას არმაზს უკავშირდება, დგას ქართული ხუროთმოძვრების უძველსი ძეგლი - წმინდა გიორგის ეკლესია. ეკლესიის სამხრეთ ფასადზე შემორჩენილი ასომთავრული წარწერის მიხედვით, ეკლესია აუგიათ 864 წელს. ეს პირველი ქართული ეკლესიაა, რომლის წარწერაში ეკლესიის აგების ზუსტი თარიღია მითითებული.

ია აბულაშვილი
22.10.2020

 „დის ალგეთი... და ერთვის გუდარეხის ხევს, გუდარეხს არს მონასტერი უგუმბათო ბენდერს მთის ძირს, ფრიად შუენიერ ადგილას, მრავალნი შენობანი, არს ციხე და ადგილი კლდოვანი, კლდითვე მაგარნი" - ასე აღწერს ვახუშიტ ბატონიშვილი გუდარეხის მონასტერს, რომელიც თეთრწყაროში მდებარობს. სამონასტრო კომპლექსი რამდენიმე ნაგებებისგან შედგება - მთავარი ტაძარი, სამრეკლო და გალავანი.

ია აბულაშვილი
21.10.2020

 ქართული ხუროთმოძღვრების უნიკალური ძეგლის, შორეთის სამონასტრო კომპლექსის, რომელიც ასპინძაში, სოფელ ოთის მახლობლად მდებარეობს, მთავარი ეკლესია მე-6-მე-7 საუკუნეების ქრისტიანული ეკლესიის ნაშთებზე აუგიათ. სამონასტრო კომპლექსში შედის სამრეკლო, სკრიპტორიუმი და კედელში ნაკვეთი სენაკები.

ია აბულაშვილი
20.10.2020

აგარის მონასტერი, ქართული ხუროთმოძღვრების ეს უნიკალური ძეგლი, რომელიც მდებარეობს ახალციხეში, ურაველის ხეობაში და იშხანის სახელით იყო ცნობილი, მე-10 საუკუნით თარიღდება. სამონასტრო კომპლესში შედის მთავარი ეკლესია, რომელიც მე-10-11 საუკუნის მიჯნაზე აუგიათ, ასევე სატრაპეზო. სამრეკლო და სხვა ეკლესიები მე-13 მე-14 საუკუნით თარიღდება. 


Copyright © 2006-2021 by Resonance ltd. . All rights reserved
×

sesionArray ( [s_logi] => rezoni_index )
cookieArray ( )