რეზონანსი
23.09.2020

საქართველოში აშშ-ის ელჩი კელის დეგნანის განცხადებით, ძალიან მნიშვნელოვანია, რომ ოქტომბერში დაგეგმილი არჩევნები სამართლიან, გამჭვირვალე და თავისუფალ გარემოში ჩატარდეს. 

„ზოგადად, წინასაარჩევნო გარემოსთვის დამახასიათებელია ტემპერატურის მატება, თუმცა, ძალიან პოზიტიური იყო ის ფაქტი, რომ ბევრმა პოლიტიკურმა პარტიამ ხელი მოაწერა არჩევნებთან დაკავშირებით „ქცევის კოდექსს“. ძალიან სასიამოვნოა იმის ხილვა, რომ მათ არა მხოლოდ ხელი მოაწერეს, არამედ ლიდერები მისი შემუშავების პროცესში იყვნენ ჩართული და მათ გარკვეული ეთიკური სტანდარტები შეიმუშავეს. სამწუხარო იქნება, თუ დაფიქსირდება ისეთი ფაქტები, როგორიც არის ამომრჩეველთა დაშინება, ადმინისტრაციული რესურსის ბოროტად გამოყენება. ზოგიერთმა ორგანიზაციამ ასეთ ფაქტებთან დაკავშირებით ისაუბრა. მართლაც ძალიან მნიშვნელოვანია, რომ ეს არჩევნები იყოს სამართლიანი, გამჭვირვალე და თავისუფალი. ეს ქვეყნისთვის ძალიან მნიშვნელოვანი იქნება“, - განაცხადა დეგნანმა.

ამასთან, დიპლომატის თქმით, ძალიან სასარგებლო და მნიშვნელოვანია, როდესაც არსებობს პირდაპირი კომუნიკაცია აშშ-ში გადაწყვეტილებების მიმღებ პირებსა და საქართველოს მთავრობის წარმომადგენლებს შორის.

„საელჩო საქართველოსთან კომუნიკაციის ერთ-ერთი წყაროა, თუმცა, მნიშვნელოვანი და ძალიან სასარგებლოა, როდესაც არსებობს პირდაპირი არხი აშშ-ში გადაწყვეტილებების მიმღებ პირებსა და საქართველოს მთავრობის წარმომადგენლებს შორის იმისთვის, რომ განხილული იყოს ძალიან ბევრი მნიშვნელოვანი საკითხი, როგორიცაა ოკუპირებული ტერიტორიები, რუსეთის აგრესია, კოვიდ 19-ით გამოწვეული სიტუაცია, ასევე თანამშრომლობის გაღრმავებისთვის სხვადასხვა საშუალებები. ძალიან დიდია ინტერესი ამ არჩევნების მიმართ და არის მოლოდინი იმისა, რომ ეს არჩევნები იქნება თავისუფალი, ღია და სამართლიანი. უკეთესი, ვიდრე წინა არჩევნები“, -განაცხადა ელჩმა.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (1)
ჩაწერა სახელი
მედეა   (24.09.2020)
ამერიკის ყველა წინა ელჩი--0-ია ამ ქალბატონთან შედარებით! გაიხარეთ, ქალბატონო, თქვენ ა დ ე კ ვ ა ტ უ რ ა დ აფასებთ ჩვენს სახელმწიფოს. ტ რ ა მ პ ი არის სამართლიანი კაცი და თქვენც მისი მიმდევარი-სამართლიანი ბრძანდებით. გმადლობთ და გლოცავთ სიმართლის აღიარებისთვის. ისინი, წინა ელჩები, განგებ ამუქებდნენ სურათს, "დინების საწინააღმდეგოდ ცურვას" გვაბრალებდნენ და რუსეთისგან ჩვენი ქ ვ ე ყ ნ ი ს დასჯაზე თვალებს ხუჭავდნენ.


Copyright © 2006-2020 by Resonance ltd. . All rights reserved
×