რეზონანსი
26.09.2020

დღეიდან, 26 სექტემბრიდან აჭარაში საქალაქთშორისო ტრანსპორტით გადაადგილება შეიზღუდა , რაც რეგულაციების გამკაცრებისკენ გადადგმული მორიგი ნაბიჯია. მიუხედავად ამისა, ბათუმი-თბილისის მატარებელში, სადაც მგზავრებს 6 საათი უწევთ ყოფნა, დისტანცია დაცული არაა. როგორც ერთ-ერთი მგზავრი ჟურნალისტებთან საუბრისას ამბობს, მგზავრები მხოლოდ ერთ ვაგონში არიან თავმოყრილნი , მაშინ როცა სხვა ვაგონები ცარიელია:

„გამცილებელს ვთხოვე, გადაგვანაწილეთ სხვადასხვა ვაგონში, რომ დისტანცია დავიცვათ-მეთქი. ამაზე უარი მითხრა და მიპასუხა რომ, თუ თქვენი ადგილი არ მოგწონთ, ბილეთი დააბრუნეთ და სხვა ვაგონში შეიძინეთო. მგზავრების 99% ზის პირველ ვაგონში, ერთმანეთის გვერდიგვერდ და პირისპირ. არანაირი დისტანცია არ არის დაცული. დანარჩენი ვაგონები ცარიელია. ასე უნდა ვიმგზავროთ 6 საათი. ნამდვილად არ ველოდი ამას, ახლა ვერც ბილეთს გადავცვლი და ვერფერს ვიღონებ. მოვდივართ ქალაქიდან სადაც ეპიდაფეთქებაა“

- ამბობს მგზავრი რადიო „თავისუფლებასთან“ საუბრისას.

ჟურნალისტები დაინტერესდნენ, რატომ ირღვევა წესები ერთ-ერთი ყველალზე საშიში რეგიონიდან მომავალ მატარებელში. ამ შეკითხვით მათ საქართველოს რკინიგზას მიმართეს:

„სავალდებულოა მგზავრობისას ყველას ეკეთოს პირბადე, მატარებელში ასვლამდე უნდა ჩაიტარონ თერმოსკრინინგი, შესვლისთანავე უნდა გაიარონ დეზობარიერი, მატარებელში დამონტაჟებულია სადეზინფექციო ხსნარი, რითაც პერიოდულად უნდა დაიმუშავონ ხელები",

- ამბობენ საქართველოს რკინიგზაში.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×