რეზონანსი
19.10.2020

კორონავირუსის შემთხვევების 80 პროცენტი არის მსუბუქი ან საშუალო ფორმა, ანუ სახლში შეიძლება მისი მართვა, მაგრამ რასაკვირველია, არსებობენ ის რისკჯგუფები, რომლებსაც შეიძლება დაავადების მსუბუქი ფორმა ჰქონდეთ მიმდინარეობით, მაგრამ იყვნენ რისკჯგუფის მატარებლები, - ამის შესახებ იმუნოლოგმა, ბიძინა კულუმბეგოვმა განაცხადა.

ექიმის ინფორმაციით, რისკჯგუფებში შემავალი ადამიანები-ონკოპაციენტები, ასაკოვნები, ქრონიკული დაავადების მატარებლები, ჰიპერტენზიის და დიაბეტის მქონე პირები, თუნდაც კორონავირუსისთვის დამახასიათებელი მინიმალური სიმპტომებით, ოჯახის ექიმთან უფრო მეტ და ახლო კომუნიკაციაში უნდა იყვნენ.

ასევე, კულუმბეგოვი აცხადებს, რომ „მთავარი საშიშროების ნიშნები ამ ინფექციასთან მიმართებაში არის სუნთქვის გაძნელება, რადგან ის ფილტვის ქსოვილს აზიანებს".

„სუნთქვის გაძნელება შეიძლება იყოს მსუბუქი, საშუალო და მძიმე. თუ თქვენ მოსვენებულ მდგომარეობაში, წამოწოლილი ან დამჯდარი სუნთქვის გაძნელებას არ გრძნობთ, ხოლო გრძნობთ მაშინ, როცა გაქვთ ძლიერი ფიზიკური აქტივობა, როგორიცაა კიბეზე ან აღმართზე ასვლა, ეს ნორმალურია, დასაშვებია. ხოლო, თუ სუნთქვის გაძლებას ან გულმკერდის არეში გრძობთ ტკივილს მოსვენებულ მდგომარეობაში, როცა არაფერს აკეთებთ, ეს იმას ნიშნავს, რომ ამ უკვე მნიშვნელოვანია, დაუყოვნებლივ მოხდეს ჰოსპიტალიზაცია. სახლში მისაღები მედიკამენტებია - სიცხისთვის პარაცეტამოლი, სხვა ყველა პრეპარატი მეორე რიგისაა. თუ ტკივილი აწუხებს ინფიცირებულს, შეიძლება ტკივილგამაყუჩებლების მიღება. ასევე, სასურველია, რაც შეიძლება მეტი სითხის მიღება. თუ ადამიანს აქვს ხველა, უძნელდება სუნთქვა და არის სახლში, აუცილებელია, შეეცადოს ძილის დროს დაიძინოს მუცელზე და არა ზურგზე. ეს არის სასუნთქი სისტემის და ფილტვის უკეთესი ფუნქციონირებისთვის საუკეთესო", - განაცხადა კულუმბეგოვმა.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×