რეზონანსი
22.11.2020

მსოფლიოში კორონავირუსით დაინფიცირებულთა საერთო რაოდენობამ 58 მილიონს, ხოლო გამოჯანმრთელებულთა რიცხვმა 40 მილიონს გადააჭარბა. ამ დროისთვის პანდემიის ლეტალობის მაჩვენებელი 3 %-ს შეადგენს, რაც ნიშნავს, რომ "კოვიდ-19"-მა ინფიცირებულთა საერთო რაოდენობიდან მილიონ 400 000-მდე პაციენტი იმსხვერპლა.

ჯანდაცვის მსოფლიო ორგანიზაცია დიდი ოცეულის ქვეყნებს კორონავირუსის ვაქცინის სამართლიანად განაწილებისკენ მოუწოდებს. ორგანიზაციის გენერალური დირექტორის თქმით, ვაქცინის სამართლიანად განაწილებას პანდემიის დასრულებისთვის ცენტრალური მნიშვნელობა აქვს.

უკვე დასახელდა კოვიდ-19-ის ვაქცინის ფასი, ამერიკული კომპანია "მოდერნას" მიერ წარმოებული კორონავირუსის საწინააღმდეგო ვაქცინა 25-დან 37 ამერიკულ დოლარამდე ეღირება, ამის შესახებ კომპანიის ხელმძღვანელმა სტეფან ბანსელმა განაცხადა.

წინასწარი კვლევებით, ამერიკული კომპანია "მოდერნას" ახალი ვაქცინა 95%-ით ეფექტურია. ამასთან, გერმანული მწარმოებლის, "ბიოტექისა" და ამერიკული Pfizer-ის მიერ შექმნილ ვაქცინის წინასწარი ანალიზები აჩვენებს, რომ მას ვირუსისგან ადამიანების დაცვა 90%-ით შეუძლია.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2021 by Resonance ltd. . All rights reserved
×