რეზონანსი
26.11.2020

საზოგადოებრივი უსაფრთხოების მართვის ცენტრი 112 ხორავას ქუჩაზე მომხდარ ხანძართან დაკავშირებით განცხადებას ავრცელებს. როგორც განცხადებაშია აღნიშნული, მედიასაშუალებების მიერ გავრცელებული ინფორმაცია, თითქოს მოქალაქეები ერთი საათის განმავლობაში ვერ უკავშირდებოდნენ 112-ს, არის სიცრუე.

„მიმდინარე წლის 26 ნოემბერს, შინაგან საქმეთა სამინისტროს საზოგადოებრივი უსაფრთხოების მართვის ცენტრ „112"-ში, თბილისში ა. ხორავას ქუჩაზე №9-ში ხანძართან დაკავშირებით, პირველი ზარი დაფიქსირდა 07:12 წთ-ზე. ოპერატორის და მოქალაქის საუბრის დრო შეადგენს 47 წამს.

07:13 საათზე საქმე გადაეცა საგანგებო სიტუაციების მართვის სამსახურს, პოლიციასა და სასწრაფო სამედიცინო სამსახურს. მეხანძრე-მაშველები 07:19 საათზე მივიდნენ მისამართზე, ანუ საქმის გადაცემიდან 6 წუთში.

მედიასაშუალებების მიერ გავრცელებული ინფორმაციით, თითქოს მოქალაქეები ერთი საათის განმავლობაში ვერ უკავშირდებოდნენ 112-ს, არის სიცრუე. ინიციატორს 112-ის ოპერატორმა 4 წამში უპასუხა, შესაბამისად ლოდინის დრო შეადგენს 4 წამს და არა ერთ საათს.

ასევე, უნდა აღინიშნოს, რომ ინიციატორმა მოისმინა ავტომოპასუხე და არ გამოიყენა 112-1, რაც გულისხმობს რომ არ აირჩია დაკავშირება საპატრულო პოლიცია / სახანძრო-სამაშველო სამსახურთან, რაც უფრო შეამცირებდა ლოდინის დროს", - აცხადებენ საზოგადოებრივი უსაფრთხოების მართვის ცენტრ 112-ში.

 

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2021 by Resonance ltd. . All rights reserved
×