რეზონანსი
03.12.2020

საქართველოს პრემიერ-მინისტრის, გიორგი გახარიას განცხადებით, კორონავირუსის გავრცელების წინააღმდეგ დაწესებული ორთვიანი შეზღუდვების მიზანია, რომ თებერვალში საქართველოს მოსახლეობამ სრულფასოვანი ცხოვრების გაგრძელება შეძლოს.

როგორც მთავრობის მეთაურმა დღევანდელ მთავრობის სხდომაზე განაცხადა, მნიშვნელოვანია, რომ მოქალაქეებმა დაწესებული შეზღუდვები დაიცვან, რათა ინფიცირების მაჩვენებელმა მოიკლოს.

„გამოვაცხადეთ ორთვიანი გეგმა, რომელმაც უნდა დაასტაბილუროს ქვეყანაში ეპიდემიური ვითარება. ვაცხადებთ ინტენსიური ტესტირების ახალ გრაფიკს, რომელიც უახლოეს პერიოდში მიაღწევს დღეში 20 ათას ტესტს. ეს არის პარალელური პროცესი, რომელმაც შეზღუდვების პერიოდში ხელი უნდა შეუწყოს ინფიცირების სწრაფ გამოვლენას. ამ ნაბიჯის მიზანია, შეზღუდვების ორთვიანი გეგმა იყოს მაქსიმალურად ეფექტური, მაქსიმალურად სწრაფად გამოვავლინოთ ინფიცირების შემთხვევები, მოვახდინოთ მათი მკურნალობა, რომ თებერვლის დასაწყისში ჩვენ გვქონდეს სრულფასოვანი ცხოვრების გაგრძელების შესაძლებლობა", - განაცხადა პრემიერმა.

გიორგი გახარიას თქმით, ასევე შეიქმნა სპეციალური ჯგუფი, რომელიც ვაქცინაციის გეგმაზე იმუშავებს.

„შეიქმნა ჯგუფი, რომელიც იზრუნებს ვაქცინაციის გეგმაზე, მის შეძენაზე. ჩვენ უკვე გარკვეული თანხები გადავიხადეთ ვაქცინის დროულად შემოტანასთან დაკავშირებით. ამ კომისიამ უნდა უზრუნველყოს, როგორც ვაქცინის დროული შემოტანა, ასევე იმ ტექნიკური მოსამზადებელი სამუშაოები, რომელიც აუცილებელია დროული ვაქცინაციის დასაწყებად", - განაცხადა გახარიამ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2021 by Resonance ltd. . All rights reserved
×