რეზონანსი
03.12.2020

ოპოზიცია უკვე წავიდა კომპრომისზე, როდესაც დააყენა ვადამდელი არჩევნების საკითხი, ნაცვლად ხელახალი არჩევნებისა, - ამის შესახებ „ევროპული საქართველოს" ერთ-ერთმა ლიდერმა, გიგა ბოკერიამ ხელისუფლებასთან მოლაპარაკებების პროცესთან დაკავშირებით განაცხადა.

მისივე თქმით, ოპოზიციის ყველა წინადადება არჩევნებს უკავშირდება და სხვა შეთავაზებას არ დათანხმდება.

„ჩვენ, პარტიები ყველა თემაზე ვიკრიბებით რუტინულად. ჯერ არანაირი სიახლე არ გვაქვს მესამე რაუნდთან დაკავშირებით და პოზიციური პატიების პოზიციაც უცვლელია - ჩვენი ყველა წინადადება არის ხელახალი არჩევნების ქოლგის ქვეშ. ჩვენი პოლიტიკური გუნდი არ განიხილავს სხვა წინადადებას. ახალი არჩევნების ქოლგის ქვეშ არის ბევრი მნიშვნელოვანი წინადადება, რაზეც ალბათ, ბატონი ალეკოც საუბრობს, რადგან ახალი არჩევნები უნდა ჩატარდეს ნორმალურად და ნორმალურად ჩატარებას სჭირდება არსებითი ცვლილებები", - განაცხადა ბოკერიამ.

კითხვაზე, რას იზამს ოპოზიცია, თუკი მმართველი გუნდი განსხვავებულ წინადადებას, მაგალითად 2024 წლის არჩევნებზე ბარიერის დაწევას ან საარჩევნო ადმინისტრაციის ცვლილებას წარმოადგენს, ბოკერია პასუხობს, რომ არჩევნების გარდა, ოპოზიცია სხვა შეთავაზებას არ დათანხმდება.

„არ შეიძლება იმ პრეცედენტის დაშვება, რომ საქართველოში შესაძლებელია ძალაუფლების მიტაცება, რადგან მერე ეგ გზა მიდის წმინდა წყლის ავტორიტარიზმამდე. ოპოზიცია უკვე წავიდა კომპრომისზე, როდესაც დააყენა საკითხი ვადამდელი არჩევნებისა, ნაცვლად ხელახალი არჩევნებისა", - განაცხადა გიგა ბოკერიამ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (1)
ჩაწერა სახელი
გალელი   (03.12.2020)
არავითარი ახალი არჩევნები,ასევე ვადამდელიც..თუ არ შეხვალთ ნუ შეხვალთ,მოგვეცით მოსახლეობას საფიქრებელი,თქვენისთანები რომ დასხდებიან პარლამენტში ამიტომაა ჩვენი საქმე კარგად


Copyright © 2006-2021 by Resonance ltd. . All rights reserved
×