რეზონანსი
04.12.2020

17 წლის გოგოს გარდაცვალება არ უკავშირდება კორონავირუსს. სასწრაფოს რეაგირება იყო მყისიერი და საუბედუროდ, უკვე ლეტალური შემთხვევა იყო დამდგარი. კონკრეტულად, თუ რამ გამოიწვია, ეს დადგინდება, - ამის შესახებ ჯანდაცვის მინისტრის მოადგილემ, თამარ გაბუნიამ საკოორდინაციო საბჭოს სხდომის შემდეგ განაცხადა.

გაბუნია ერთ-ერთ მედიასაშუალებაში გავრცელებულ ინფორმაციას გამოეხმაურა, თითქოს 17 წლის ახალგაზრდა კორონავირუსით გარდაიცვალა და აღნიშნა, რომ აღნიშნული დეზინფორმაციაა.

„ამ ტიპის დეზინფორმაცია ემსახურება იმას, რომ ისედაც დაძაბულ და რთულ პირობებში კიდევ უფრო მეტი პანიკა გამოიწვიოს მოსახლეობაში, რაც დამაზარალებელია და დანაშაულის ტოლფასია, რადგან ამ შემთხვევაში მნიშვნელოვანია, რომ ჩვენ შევინარჩუნოთ სიმშვიდე და პანიკის გარეშე კოორდინირებულად მივყვეთ იმ პროცედურებს, რომელიც არსებობს. მნიშვნელოვანია, რომ მსგავსი ტიპის დეზინფორმაციისგან მაქსიმალურად თავი შევიკავოთ და ჩვენც ყოველთვის ვცდილობთ, როგორც კი არის ასეთი ცრუ ინფორმაცია, მოხდეს განმარტება", - განაცხადა გაბუნიამ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (2)
ჩაწერა სახელი
ბადრი   (04.12.2020)
კარგია რომ უპასუხეთ ამ დეზინფორმაციას

...........   (04.12.2020)
ყველაფერს ჯანდაცვის სიტემას აბვრალებენ უკვე სირცხვილია


Copyright © 2006-2021 by Resonance ltd. . All rights reserved
×