რეზონანსი
08.06.2021

საინფორმაციო სააგენტო "პრაიმ კრაიმის" ცნობით, იაროსლავში ქუთაისელი "კრიმინალური ავტორიტეტი", 64 წლის ნიკოლოზ სოხაძე, იგივე "კოკი" გარდაიცვალა.

"კრიმინალური სამყაროს გენერლის" სახელით ცნობილი სოხაძე, არაერთხელ არის ნასამართლევი. როგორც ამბობენ, ქართველ "კანონიერ ქურდს" კორონავირუსი ჰქონდა. ვირუსის გამო მისი ჯანმრთელობის მდგომარეობა მკვეთრად გაუარესდა, კოვიდმა მას თირკმელები დაუზიანა, სწორედ ამან გამოიწვია "კანონიერი ქურდის" გარდაცვალება.

სხვა ადგილობრივი "კრიმინალური ავტორიტეტებისგან" განსხვავებით, "კოკი" საკმაოდ დიდი გავლენით სარგებლობდა. ის იაროსლავში ჯერ კიდევ 90-იან წლებში გადავიდა საცხოვრებლად და "კანონიერი ქურდების"

წინააღმდეგ შემოღებული ახალი, მკაცრი კანონების მიუხედავად, მაინც იქ რჩებოდა.

სოხაძე რამდენჯერმეა ნასამართლევი ქურდობისა და, ასევე, ნარკოტიკული საშუალებების გამო. ბოლოს 2010 წელს ის ნარკოტიკების გამო დააკავეს.

"კოკის" გარდაცვალებამდე 6 დღით ადრე, იტალიაში კიდევ ერთი ქართველი "კანონიერი ქურდი" - 68 წლის თამაზ კოროშინაძე გარდაიცვალა.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×