რეზონანსი
28.07.2021

ეკონომიკის მინისტრის მოადგილე მარიამ ქვრივიშვილი თავის ფეისბუქ-გვერდზე საქართველოში ტურიზმის მიმართულებით ტუროპერატორების შეფასებას ეხმაურება, რომლის მიხედვით „საქართველოში ტურისტების ნასახი აღარ არის“.

მინისტრის მოადგილე მიიჩნევს, ტურიზმის ინდუსტრიაში არსებული რეალობის ამგვარი შეფასება არასწორია და წერს:

„დღესაც წავიკითხე საფუძველს მოკლებული “შეფასება” - ტურისტის ნასახი არაა საქართველოშიო. მოდით, ვისაუბროთ ციფრებით, ფაქტებით და ვიამაყოთ იმ შედეგებით, რაც მოკლე ვადაში კერძო სექტორთან ერთად ტურიზმის აღდგენის და გაძლიერების კუთხით შევძელით კოვიდის რეალობაში. მთავარი ახლა ვაქცინაციაა იმისთვის, რომ ეს აღდგენის და გაძლიერების ტემპი იყოს მდგრადი და სტაბილური. ტურიზმის სექტორს ჯერ კიდევ მრავალი გამოწვევა აქვს, ამიტომ ინდუსტრიის გაძლიერებისთვის უმჯობესია რეალურ გამოწვევებზე და გადაჭრის გზებზე ვიმსჯელოთ“, - წერს ეკონომიკის მინისტრის მოადგილე და თავისი შეფასების დასტურად მოჰყავს სხვადასხვა საინფორმაციო სააგენტოს პუბლიკაციები, რომელთა მიხედვითაც, საქართველოში ტურისტების მზარდი ტენდენციაა, რაც აისახა კიდევ ჯავშნების რაოდენობის მატებაზე როგორც მსხვილ და ქსელურ სასტუმროებზე, ასევე საოჯახო სახლებსა და ასევე ბინებზე, რომელთა გაქირავების მაჩვენებელმაც 2019 წლის მონაცემს უკვე გადაუსწრო.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2021 by Resonance ltd. . All rights reserved
×