რეზონანსი
23.10.2021

თბილისის მოქმედი მერი და იმავდროულად მერობის კანდიდატი კახა კალაძე დარწმუნებულია, რომ თვითმმართველობის არჩევნების მე-2 ტურში ამომრჩეველთა დიდი ნაწილის მხარდაჭერას მოიპოვებს და გაიმარჯვებს.

როგორც კალაძე ამბობს, საზოგადოებამ არჩევანი უნდა გააკეთოს, აღმშენებლობასა და ბოროტებას შორის, რადგან მისი თქმით, კანდიდატ მელიას სახით წარმოდგენილია გვარამია და მეგის ქარდავა.

"მე დარწმუნებული ვარ, თბილისელების დიდი ნაწილი მხარს დაგვიჭერს და მოგვცემს შესაძლებლობას, რომ ქალაქის აღმშენებლობა და განვითარება გაგრძელდეს. მეორე მხარეს რა გვაქვს? რა არის არჩევანი? მეორე მხარეს გვაქვს ცილისწამება, ბოროტება, სიძულვილის ენა. დააკვირდით მათ ლექსიკას, დააკვირდით ტელევიზიებიდან როგორ საუბრობენ. ყველაფერს შეურაცხყოფას აყენებენ.

დღეს მეორე მხარეს არის მელიას სახით წარმოდგენილი ნიკა გვარამია, მეგის ქარდავა და საზოგადოებამ უნდა აირჩიოს, უნდა გვარამია, მეგის ქარდავა თუ გვინდა განვითარება, აღმშენებლობა, მშვიდობა და სტაბილურობა, რაც დღეს სასიცოცხლოდ მნიშვნელოვანია, ამ ქვეყნისთვის და განსაკუთრებით სასიცოცხლოდ მნიშვნელოვანია ამ ქალაქისთვის," - აცხადებს კახა კალაძე.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2021 by Resonance ltd. . All rights reserved
×