რეზონანსი
20.01.2022

აშშ-ის პრეზიდენტი ჯო ბაიდენი გუშინ მის მიერ გაკეთებულ განცხადებასთან დაკავშირებით განმარტებას აკეთებს. „მე სრულიად მკაფიოდ ვესაუბრე პუტინს. მისი მხრიდან არავითარი გაუგებრობა არ არის. თუკი უკრაინის საზღვართან მდებარე რუსეთის ქვედანაყოფი გადავა უკრაინის საზღვარზე, ეს იქნება შეჭრა", - განაცხადა ბაიდენმა.

„ნურავის ექნება ეჭვი იმაში, რომ თუკი პუტინი ამ არჩევანს გააკეთებს, რუსეთი დიდ ფასს გადაიხდის", - აღნიშნა ჯო ბაიდენმა და დასძინა, რომ არსებობს კიბერთავდასხმის ან სამხედრო ქმედებების ალბათობა რუსეთის მხრიდან, რაც კოორდინირებულ პასუხს მოითხოვს აშშ-ის და მისი მოკავშირეების მხრიდან.

„უკრაინის საგარეო საქმეთა მინისტრმა დღეს დილით თქვა, რომ ჩვენი მხარდაჭერისა და მზადყოფნის იმედი აქვს და ამის უფლება გააჩნია",- აღნიშნა ბაიდენმა.

ინფორმაციისთვის, აშშ-ის პრეზიდენტმა ჯო ბაიდენმა 19 იანვარს გამართულ პრესკონფერენციაზე განაცხადა, რომ რუსეთი "პასუხს აგებს, თუ უკრაინაში შეიჭრება, და ეს დამოკიდებულია იმაზე, თუ რას გააკეთებს ის". მან ასევე დასძინა, რომ თუ ეს „მცირე შეჭრა" იქნება დასავლეთის ქვეყნებს მოუწევთ მსჯელობა იმაზე, რა უნდა გააკეთონ, ან არ გააკეთონ.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×