რეზონანსი
25.01.2022

წერილი, რომელიც ტექინსპექტირების კომპანიებმა პრემიერის სახელზე დაწერეს, გადაეგზავნა როგორც ეკონომიკის მინისტრს ისე შინაგან საქმეთა მინისტრს.

კომპანიები სავალდებულო ინსპექტირების რეფორმის აღსრულების გააქტიურებას ითხოვენ. მათი განმარტებით, ინსპექტირების მაჩვენებელი ქვეყანაში შემცირებულია, რაც მიუთითებს იმაზე, რომ ავტოსატრანსპორტო საშუალებების მძღოლები პერიოდულ სავალდებულო ინსპექტირებას თავს არიდებენ.

ტექინსპექტირების ცენტრების კავშირის აღმასრულებელი დირექტორი გიორგი შიოლაშვილი ამბობს, რომ რეფორმის აღსრულებისთვის მხოლოდ ჭკვიანი კამერები საკმარისი არ არის. ამასთან მისი განმარტებით, კიდევ ერთი ხარვეზი რომელიც სამთავრობო უწყებების მისამართით გაგზავნილ წერილში გვხვდება ჯარიმის ოდენობაა. შიოლაშვილი ამბობს, რომ ჯარიმის მცირე ოდენობის გამო, მძღოლებს ყოველთვე 50 ლარის გადახდა უღირთ და ამით თავს არიდებენ ტექნიკურ ინსპექტირებას.

“აუცილებელია, იყოს სისტემური მიდგომა. ფრაგმენტულად, მხოლოდ ჭკვიანი კამერების მეშვეობით ამ რეფორმის შედეგიანად განხორციელება შეუძლებელია. პროცესებში აუცილებელია ჩაერთოს საპატრულო პოლიცია. დღეს ჯარიმის ოდენობა არის 50 ლარი, რაც არის ტექინსპექტირების საფასურზე ნაკლები. შესაბამისად, ავტომობილოს მფლობელს შეიძლება უღირდეს არ აღმოფხვრას რაიმე ხარვეზი, არ გაწიოს შესაბამისი ხარჯი და ყოველთვიურად იხადოს ჯარიმა. აუცილებელია, ჯარიმის ოდენობის გაზრდა. ის უნდა იყოს ტექინსპექტირების საფასურზე მეტი და ავტომობილის მფლობელს არ უღირდეს ჯარიმის გადახდის მეშვეობით გაუმართავი ავტომობილით გადაადგილება”-აცხადებს ტექინსპექტირების ცენტრების კავშირის აღმასრულებელი დირექტორი გიორგი შიოლაშვილი.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×