რეზონანსი
26.05.2022

საფრანგეთის პრეზიდენტმა ემანუელ მაკრონმა და თურქეთის პრეზიდენტმა რეჯეფ თაიფ ერდოღანმა სატელეფონო საუბრისას ფინეთისა და შვედეთის ნატო-ში გაწევრიანების შესახებ განაცხადი განიხილეს. ამის შესახებ ინფორმაციას CNN-ი ავრცელებს.

ელისეის სასახლის ინფორმაციით, მაკრონმა ერდოღანთან საუბრისას "ამ ორი ქვეყნის სუვერენული არჩევანის პატივისცემის მნიშვნელობას" ხაზი გაუსვა, რომელიც მისი თქმით, "დემოკრატიული პროცესის" შედეგი იყო.

მათივე ინფორმაციით, ერდოღანმა ფინეთისა და შვედეთის სამხედრო ალიანსში გაწევრიანების მიმართ წინააღმდეგობა გამოხატა.

თურქული მხარის ინფორმაციით, თერქეთის პრეზიდენტმა მაკრონს განუცხადა, რომ "შვედეთისა და ფინეთის კონტაქტები პირებთან და ე.წ. ორგანიზაციებთან, რომლებიც ტერორისტული ორგანიზაციის კონტროლის ქვეშ არიან, ნატოს ალიანსის სულისკვეთებასთან თავსებადი არ იქნება".

ამასთან, ლიდერებმა სასურსათო უსაფრთხოების კრიზისის შესახებ საკითხები განიხილეს და ყურადღება "უკრაინული მარცვლეულის ექსპორტის გადაუდებელ აუცილებლობაზე" გაამახვილეს.

"მათ განიხილეს გაერთიანებული ერების ორგანიზაციასთან ერთად გამოვლენილი, უკრაინიდან მოსავლის ტრანსპორტირების სხვადასხვა შესაძლო გზა და შეთახმდნენ, კონტაქტზე დარჩნენ, რათა სწრაფად იპოვონ გამოსავალი", - ნათქვამია ელისეის სასახლის განცხადებაში.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×