ესპანეთის დედაქალაქ მადრიდში ნატო-ს სამიტი მიმდინარეობს. პოლიტიკოსებს აქვთ მოლოდინი, რომ სამიტიდან საქართველო კონკრეტულ შედეგებს მიიღებს.

„არამარტო რეზოლუციები უნდა მიიღონ და ჩაწერონ საქართველოსთან დაკავშირებით, რომ ნატოს წევრი უნდა გახდეს, კონკრეტული შეთავაზებები უნდა გაუკეთონ საქართველოს თავდაცვისუნარიანობის ამაღლებისთვის. სხვა შემთხვევაში უბრალოდ დარჩება ეს ფურცელზე დაწერილი, რომელსაც არაფერი ქმედითი არ მოჰყვება", - განაცხადა „სტრატეგია აღმაშენებლის" ერთ-ერთმა ლიდერმა, პაატა მანჯგალაძემ.

ნატოს მადრიდის სამიტის წინ ალიანსის გენერალურმა მდივანმა, იენს სტოლტენბერგმა საქართველოსთვის დახმარების ახალი პაკეტის დამტკიცება დააანონსა, თუმცა ჯერ კონკრეტული დეტალები უცნობია. მადრიდის სამიტში საქართველოს პრემიერ-მინისტრი ირაკლი ღარიბაშვილიც მონაწილეობს.