რეზონანსი
30.06.2022

საქართველოს ეკონომიკის მინისტრის განცხადებით, ხელისუფლება მიმდინარე 5 თვის მაჩვენებლებიდან გამომდინარე, ეკონომიკური ზრდის წლიურ პროგნოზს (6%-ს) მოგვიანებით გადახედავს. ამის შესახებ ლევან დავითაშვილმა ჟურნალისტებს განუცხადა.

მისი თქმით, წინასწარი მონაცემებიდან გამომდინარე მაისში ორნიშნა ეკონომიკური ზრდა (11.6%) მოსალოდნელი იყო.

„ჩვენ ასეთ ეკონომიკურ ზრდას ველოდით. განსაკუთრებით აღნიშვნის ღირსია, რომ გასული წლის მაისში 26%-იანი ეკონომიკური ზრდა გვქონდა. ძალიან მნიშვნელობანი შედეგია ამ პირობებში ასეთი მაღალი ეკონომიკური ზრდის შენარჩუნება მეორე წლის განმავლობაშიც და 2022 წლის პირველი 5 თვის განმავლობაშიც - ეს არის დამაიმედებელი, რომ ეკონომიკური ზრდის პროგნოზს წლის პერსპექტივაში ცოტა მოგვიანებით გადავხედოთ", - განაცხადა ლევან დავითაშვილმა.

ეკონომიკის მინისტრი იმედოვნებს, რომ ეკონომიკური ზრდის დადებით ტენდენციებს საერთაშორისო ორგანიზაციებიც აღიარებენ.

„ის პესიმისტური შეფასებები, რომელიც საერთაშორისო ორგანიზაციებს ჰქონდათ, შეცვლილია. მსოფლიო ბანკმა ეკონომიკური ზრდის პერსპექტივა გაზარდა. ვფიქრობ, ამ ტენდენციების გაანალიზების შემდეგ, საერთაშორისო პარტნიორები დაგვეთანხმებიან, რომ საქართველო მყარად ინარჩუნებს ძლიერ ეკონომიკურ ზრდას 2022 წელსაც", - განაცხადა დავითაშვილმა.

მაისში საქართველოს ეკონომიკა 11.6%-ით გაიზარდა

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×