მსოფლიოს ყურადღების ცენტრში ახლა ტაივანია - აშშ_ის წარმომადგენელთა პალატის სპიკერის თვითმფრინავის მიმართულებას, საიტზე Flightradar24, გუშინ რეკორდული რაოდენობის ადამიანი ადევნებდა თვალს. საიტის ადმინისტრაციამ "ფეისბუქზე" გაავრცელა განცხადება, რომ ერთდროულად 708 000 ვიზიტორი შევიდა, რის გამოც საიტი გაითიშა. 

პელოსის ვიზიტთან დაკავშირებით, ჩინური სოციალური მედიის მომხმარებლების დიდი ნაწილი აღშფოთებული იყო და მოუწოდებდა ჯარს, სიტუაციაში ჩარეულიყვნენ. 

ონლაინმომხმარებლები ქვეყნის ხელისუფლებას მოუწოდებდნენ, "დაებრუნებინა ტაივანი".  სოცქსელში მშვიდობის მომხრე და ომის მოწინააღმდეგე მხოლოდ რამდენიმე პოსტი გამოჩნდა, რომელიც კომენტარებში მკაცრად გააკრიტიკეს სხვა მომხმარებლებმა.