გერმანიის მთავრობის ოფიციალურმა წარმომადგენელმა განაცხადა, რომ კანცლერი ოლაფ შოლცი არ მიიჩნევს, რომ რუსეთის წინააღმდეგ დაწესებული სანქციების მხარდაჭერა შემცირდება მიუხედავად იმისა, რომ ელექტროენერგიისა და გაზის გადასახადები კიდევ უფრო გაიზრდება. ინფორმაციას ამის შესახებ სააგენტო Reuters-ი ავრცელებს.

„წინ რთული თვეები გველის, თუმცა ცხადია, რომ ჩვენ მტკიცედ ვდგავართ უკრაინის მხარეს და მხარს ვუჭერთ სანქციებს, რომლებზეც შევთანხმდით ევროკავშირთან და საერთაშორისო საზოგადოებასთან ერთად", - აღნიშნა გერმანიის მთავრობის ოფიციალურმა წარმომადგენელმა.

გერმანიის მთავრობის ოფიციალურმა წარმომადგენელმა ასევე გამორიცხა დაბლოკილი „ჩრდილოეთის ნაკადი 2"-ის მილსადენის დამტკიცება.