„რუსებმა უნდა იცოდნენ, რომ როგორც კი საკმარისი ძალები და საშუალებები გვექნება, ყველა ჩვენი ტერიტორიის დეოკუპაციას ვაპირებთ", - აცხადებს ვოლოდიმირ ზელენსკი.

უკრაინის პრეზიდენტი მოუწოდებს დასავლეთს, რუსეთის ყველა მოქალაქისთვის საკუთარ ქვეყნებში შესვლა აუკრძალოს.

„როგორიც არ უნდა იყოს რუსი... აიძულეთ, წავიდნენ რუსეთში. მაშინ ისინი მიხვდებიან. ისინი იტყვიან: „ამ [ომს] ჩვენთან საერთო არაფერი აქვს. მთელი მოსახლეობა არ შეიძლება იყოს პასუხისმგებელი, არა?". მოსახლეობამ აირჩია ეს მთავრობა და ისინი არ ებრძვიან მას, არ ეკამათებიან, არ ყვირიან", - განუცხადა ზელენსკიმ The Washington Post-ს.