რეზონანსი
11.08.2022

ევროპა რადიაციული საფრთხის წინაშე - ატომური ენერგიის სააგენტო ამბობს, რომ ზაპოროჟიეს ატომური ელექტროსადგურის დაბომბვის მიუხედავად, რადიაციის დონე ნორმის ფარგლებშია, თუმცა, უკრაინის მეზობელი ქვეყნები მობილიზაციას ახდენენ. რუმინეთმა მოლდოვას 1 მლნ აბი იოდიდი გადასცა, რომელიც მოსახლეობამ რადიაციის დონის გაზრდის შემთხვევაში უნდა მიიღოს.

რუსეთის საოკუპაციო ძალებმა ღამით დნეპროპეტროვსკი დაბომბეს. ოკუპანტების იერიშს ქალაქ ბახმუტში 7 მშვიდობიანი მოქალაქე ემსხვერპლა. დაჭრილები საავადმყოფოებში გადაიყვანეს.

ისევ დაიბომბა ხარკივიც. პარალელურად, რამდენიმე რეგიონში უკრაინის შეიარაღებული ძალები კონტრშეტევას აგრძელებენ. მედიის ინფორმაციით, უკრაინელმა სამხედროებმა კახოვკას ხიდს დაარტყეს. შეტევა გრძელდება იზიუმშიც.

უკრაინის გენერალური შტაბის ინფორმაციით, ამ დრომდე განადგურებულია 47 000 რუსი სამხედრო.

უკრაინის პრეზიდენტის აპარატის ხელმძღვანელის მრჩეველი ოლექსეი არესტოვიჩი ამბობს, რომ ქვეყანას აქვს შანსი, 2 თვეში გაათავისუფლოს რუსეთის მიერ ოკუპირებული ხერსონი.

"ახლა კი ჩვენ უნდა ვნახოთ რას გააკეთებენ ჯარები, რომლებიც იქ გადაისროლეს. ასევე, 20-მდე ბატალიონის ტაქტიკური ჯგუფი ხერსონის ოლქის მარცხენა სანაპიროზე დგას. მათ შეუძლიათ წავიდნენ როგორც ზაპოროჟიეში, ასევე ხერსონში," - ამბობს არესტოვიჩი.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×