რეზონანსი
11.08.2022

წლების განმავლობაში არავის აზრადაც არ მოსვლია, რომ ევროპა შესაძლოა ახალი ატომური სადგურის კატასტროფის საფრთხის ქვეშ აღმოჩნდეს, არა იმიტომ, რომ ვიღაცამ დაარღვია უსაფრთხოების სტანდარტები, არამედ იმიტომ, რომ რომელიღაც სახელმწიფო განზრახ იყენებს ატომურ სადგურს ტერორისთვის. ამის შესახებ უკრაინის პრეზიდენტმა ვოლოდიმირ ზელენსკიმ კოპენჰაგენის დონორთა კონფერენციაზე სიტყვით გამოსვლისას განაცხადა.

მისი თქმით, სწორედ ამას აკეთებს ახლა რუსეთი.

„თუ საბჭოთა ხელისუფლება ცდილობდა ჩერნობილის კატასტროფის და მისი სრული შედეგების დამალვას, ახლა რუსეთის ხელისუფლებაა ბევრად უფრო ცინიკური და საშიში - ისინი თავად აკეთებენ ყველაფერს, რომ ბირთვული კატასტროფის რისკი მაქსიმალური იყოს და მთელ მსოფლიოს მოატყუონ, რომ ვიღაც სხვა არის, როგორც ჩანს, დამნაშავე.

ჩვენ უნდა დავიცვათ ევროპა ამ საფრთხისგან. დავიცვათ ყველამ ერთად და ალბათ, არა მარტო ევროპა", - განაცხადა ზელენსკიმ.

მისი თქმით, ამ სადგურზე წლების განმავლობაში არ მომხდარა არც ერთი ინციდენტი, რომელიც საფრთხეს შეუქმნიდა უკრაინელების, ან ყველა ევროპელის უსაფრთხოებას. ახლა კი, რუსული საოკუპაციო არმია იყენებს ზაპოროჟიეს ატომურ ელექტროსადგურს ტერორისა და შეიარაღებული პროვოკაციებისთვის.

„რუსეთმა ატომური სადგური ბრძოლის ველად აქცია. როდესაც ოკუპანტები მივიდნენ ზაპოროჟიეს ატომურ ელექტროსადგურთან, მათი ტანკები ისროდნენ. სადგურის ტერიტორიაზე სამხედრო ტექნიკის და საბრძოლო მასალის განთავსებით, რუსმა სამხედროებმა უნდა იცოდნენ, რომ მთელ ევროპას აყენებენ ბირთვული კატასტროფის საფრთხის წინაშე. და, რა თქმა უნდა, რუსეთის ხელისუფლებამ იცის, რა შედეგები შეიძლება მოჰყვეს, როდესაც მისი ჯარები დაბომბავს ატომურ ქარხანას, მათ შორის სარაკეტო არტილერიით. რუსეთი ტერორისტულ სახელმწიფოდ იქცა და რეალურად მძევლად ჰყავს აყვანილი ატომური ელექტროსადგურები და ყველას აშანტაჟებს სავარაუდო კატასტროფით" ,- განაცხადა ზელენსკიმ.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×