რეზონანსი
11.08.2022

აშშ-ის საკონსულო საქმეთა ბიუროს მდივნის თანაშემწის მოადგილემ სავიზო მომსახურების საკითხებში, ჯული სტაფტმა, ონლაინრეჟიმში, აშშ-ის სავიზო სერვისების შესახებ დასმულ კითხვებს უპასუხა. ერთ-ერთი კითხვა იყო: „უკრაინის ლიდერები მოუწოდებენ G7 ქვეყნებს, მათ შორის აშშ-ს, რომ განიხილონ რუსეთის მოქალაქეებისთვის ვიზის - ტურისტული ვიზის არგაცემის საკითხი. არის ეს ის, რასაც სახელმწიფო დეპარტამენტი ამ ეტაპზე განიხილავს?".

პასუხად, სტაფტმა განაცხადა, რომ რუსეთის მოქალაქეებს საელჩოებში ვიზიტი და განაცხადის წარდგენა თავისუფლად შეუძლიათ.

„რუს მოგზაურებზე არანაირი შეზღუდვა არ არსებობს. რუს მოგზაურებს შეუძლიათ ნამდვილად წავიდნენ მსოფლიოს ნებისმიერ საელჩოში, სადაც განაცხადის შეტანას შეძლებენ", - განუცხადა სტაფტმა ჟურნალისტებს, როდესაც ჰკითხეს უკრაინის წინადადებაზე, შეწყვიტონ ვიზების გაცემა რუსებისთვის მთელ მსოფლიოში.

„მოსკოვში აშშ-ის საელჩო ამჟამად არ მუშაობს არც საიმიგრაციო და არც არასაიმიგრაციო ვიზების გაცემაზე, რუსეთის მთავრობის მიერ საელჩოების მუშაობაზე დაწესებული შეზღუდვების გამო, მაგრამ რუსეთის მოქალაქეებს შეუძლიათ, დანიშნონ შეხვედრა ნებისმიერი ტიპის ვიზაზე მსოფლიოს ნებისმიერ წერტილში და ამას რეგულარულად აკეთებენ. ასე რომ, ჩვენ ამას მივესალმებით", - განმარტა სტაფტმა.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×