რეზონანსი
29.09.2022

დასავლეთის ქვეყნები დსთ-ში კონფლიქტების პროვოცირებას ცდილობენ. რუსული სააგენტოების ინფორმაციით, ამის შესახებ რუსეთის პრეზიდენტმა ვლადიმერ პუტინმა დამოუკიდებელ სახელმწიფოთა თანამეგობრობის უსაფრთხოებისა და დაზვერვის სამსახურების წარმომადგენლებთან შეხვედრაზე განაცხადა.

„ჩვენი გეოპოლიტიკური მოწინააღმდეგეები, ჩვენი ოპონენტები, როგორც ახლახანს ვთქვით, თავიანთი მიზნების შესაბამისად, მზად არიან დარტყმა მიაყენონ ყველას, ნებისმიერს, ნებისმიერ ქვეყანას, გადააქციონ ის კრიზისის ეპიცენტრად, მოაწყონ ფერადი რევოლუცია და გააჩაღონ სისხლიანი ხოცვა-ჟლეტა. ეს ყველაფერი არაერთხელ გვინახავს" , - განაცხადა პუტინმა.

რუსეთის ლიდერის თქმით, ეს კეთდება იმისთვის, რომ არ მოხდეს უფრო სამართლიანი მსოფლიო წესრიგის ჩამოყალიბება: დასავლეთი ცდილობს აღადგინოს ძველი კონფლიქტები, შექმნას ახალი პრობლემები და კრიზისები.

„ერთპოლარული ჰეგემონია უმოწყალოდ იშლება. ეს არის ობიექტური რეალობა, რომეთან შეგუებაზე დასავლეთი კატეგორიულად უარს ამბობს. ჩვენ ვხედავთ ყველაფერს, რაც აქედან გამომდინარეობს", - განმარტა პუტინმა.

ამასთან, მან ხაზგასმით აღნიშნა, რომ გარე უსაფრთხოება და შიდა სტაბილურობა არის ძირითადი პირობა რეგიონის სახელმწიფოების პროგრესული განვითარებისთვის. მან მოუწოდა დსთ-ს წევრებს უსაფრთხოების რისკები გააანალიზონ და ურთიერთდახმარება გააძლიერონ.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×