საქართველოს თავდაცვის მინისტრის ჯუანშერ ბურჭულაძის განცხადებით, სამხედრო მოსამსახურეებისთვის ხელფასების დაახლოებით, 20%-ით გაზრდა წელსაც შეძლეს.

მინისტრი ამბობს, რომ ეს პროცესი მომავალშიც გაგრძელდება.

„ჩვენ შევპირდით და 2023 წლის იანვრიდან სამხედრო მოსამსახურეების ანაზღაურებას 20%-ით გავზრდით. იცით, რომ მიმდინარე წელს ჩვენ მოვახერხეთ და დაახლოებით, 20%-ით და ზოგ შემთხვევაში მეტითაც გავზარდეთ ანაზღაურება.

ამ ყველაფერში კიდევ დადებითი ის არის, რომ ეს იქნება განგრძობითი პროცესი. ჩვენ არ ვაპირებთ, რომ 2023 წელს ამით შემოვიფარგლოთ. სამხედრო მოსამსახურეებისთვის ანაზღაურებას ჩვენ 2024 წელსაც გავზრდით და ბიუჯეტს წლის განმავლობაშიც გადავხედავთ, თუ რის საშუალებას მოგვცემს ხარჯვითი ნაწილი", - განაცხადა ბურჭულაძემ „ქრონიკასთან".