საქართველოს უზენაესის სასამართლოს თავმჯდომარის მოადგილის, შალვა თადუმაძის განცხადებით, სასამართლო ხელისუფლებაში გავლენიანი ჯგუფი არ არსებობს.
მისივე თქმით, ის სასამართლოს "კლანის" წევრი არ არის.
ასევე, კითხვაზე: რა მოსაზრება აქვს ყოფილი მოსამართლეების მიერ გაკეთებულ განცხადებებზე, რომლის თანახმად, ისინი ე.წ. კლანისა და ხელისუფლების მხრიდან გარკვეულ ზეწოლას განიცდიდნენ იმის გამო, რომ უნდა მიეღოთ ის სასამართლო გადაწყვეტილება, რაც მათ სურდათ, თადუმაძე პასუხობს, რომ არ იცის, რაზე საუბრობენ მისი კოლეგები.
"არ ვიცი, რას ამბობენ. არ ვარ ამაზე ინფორმირებული. მე თუ მეკითხებით ზეწოლის ქვეშ არასდროს მივქცეულვარ", - განაცხადა თადუმაძემ.