რეზონანსი
30.11.2022

როგორც „ქართული ოცნების" თავმჯდომარემ, ირაკლი კობახიძემ ჟურნალისტებთან განაცხადა - „გვაქვს უპრეცედენტო ეკონომიკური ზრდა, რამაც მოგვცა ბიუჯეტის გაზრდის საშუალება. მათ შორის სოციალური ხარჯების სერიოზულად გაზრდის საშუალება".

„სხვადასხვა მიმართულებით არის სოციალური პაკეტები გაუმჯობესებული და ამის საშუალება მოგვცა ორნიშნა ეკონომიკურმა ზრდამ. მართალია სიღარიბე შემცირდა თვისებრივად, მაგრამ, 450 000 ადამიანი კვლაც ცხოვრობს სიღარიბის ზღვარს მიღმა, ამიტომ, მნიშვნელოვანია, რომ სოციალური პაკეტები იყოს სათანადო და მაქსიმალურად გაზრდილი. სწორედ ამას ემსახურება ის ცვლილებები, რომელიც არის ასახული ახალ ბიუჯეტში", - აღნიშნა კობახიძემ.

გაზრდილი სოციალური ხარჯები, განათლება, ინფრასტრუქტურული პროექტები - ქვეყნის მთავარი ფინანსური დოკუმენტის კორექტირებული ვერსია პარლამენტშია. პირველი ვერსიისგან განსხვავებით, დაზუსტებულ ვარიანტში გათვალისწინებულია სოციალურად დაუცველი ბავშვების ფინანსური დახმარების ზრდაც.

2023 წელს ასევე იზრდება პენსიები, ჯარისკაცების, პოლიციელების, სასწრაფო სამედიცინო დახმარების ექიმებისა და საბავშვო ბაღების თანამშრომელთა ხელფასები. 2023 წლის ბიუჯეტი კანონმდებლებმა წლის ბოლომდე უნდა დაამტკიცონ.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2023 by Resonance ltd. . All rights reserved
×