„ნაციონალური მოძრაობის" ყრილობაზე, რომელზეც პარტიის ლიდერებმა, პარტიის ახალი თავმჯდომარე ლევან ხაბეიშვილი ოფიციალურად უნდა დაამტკიცონ, ნიკა მელიას გუნდი არ ესწრება.
პარტიაში ამ ფაქტს იმით ხსნიანა, რომ ყველა არჩევნებს დაპირისპირება ახლავს, თუმცა პრობლემები მოგვარებადია.
„ყველა არჩევნებს, მათ შორის, შიდა არჩევნებსაც ახლავს-ხოლმე მცირე დაძაბულობები. ეს ყველაფერი წარსულში უნდა დავტოვოთ. საარჩევნო კამპანიაში იყო მსგავსი ფრაზები, გამონათქვამები, მაგრამ კიდევ ერთხელ გავიმეორებ, ეს ყველაფერი უნდა ჩავაბაროთ წარსულ. მჯერა, რომ ყველა მხარეს ეყოფა ძალა დასხდნენ და ერთად ვიბრძოლოთ, ამ საერთო ამოცანების გადასაჭრელად", - განაცხადა „ნაციონალური მოძრაობის" წევრმა, ირაკლი ნადირაძემ.