რეზონანსი
23.03.2023

როგორც პარლამენტის ვიცე-სპიკერმა, გია ვოლსკიმ საკადრო ცვლილებებთან დაკავშირებით დასმული კითხვის საპასუხოდ განაცხადა, ადამიანები პროფესიონალური მოვალეობის შესასრულებლად სხვა სამუშაოზე თუ გადადიან და თავისი რესურსით მოემსახურებიან საკუთარ სამშობლოს, ეს მისასალმებელია

მისივე თქმით, გულდასაწყვეტია გადაადგილებები, რომლებიც პოლიტიკურ პროცესს ახასიათებს.

„არსებობს პოლიტიკური სივრცე, სადაც გარკვეული მოთხოვნაა, ასევე არის სივრცე, სადაც პროფესიონალურ მოთხოვნებს გაცილებით მეტი ფასი აქვს. რასაკვირველია, პოლიტიკურთან ერთად, პროფესიონალური თუ არსებობს, ეს საუკეთესო ვარიანტია. ჩვენი გუნდის მთელი შემადგენლობა ასეთია. ადამიანები პროფესიონალური მოვალეობის შესასრულებლად სხვა სამუშაოზე თუ გადადიან და თავისი რესურსით მოემსახურებიან საკუთარ სამშობლოს, ეს მისასალმებელია. რასაკვირველია, გულდასაწყვეტია გადაადგილებები, რომლებიც პოლიტიკურ პროცესს ახასიათებს, იწვევს გარკვეულ სპეკულაციას, კონკრეტულ საკითხებთან დაკავშირებით დაპირისპირებული გუნდების სიხარულს, მაგრამ არ დაგვავიწყდეს, რომ ჩვენ, ყველა ადამიანები ვართ და ბევრი რამ ამ ადამიანური პოზიციიდან უნდა გავაანალიზოთ, შევაფასოთ. თავს არ ვარიდებ იმის თქმას, რომ მიუხედავად მაღალი პროფესიონალიზმისა, შესაძლოა, გარკვეული პოლიტიკური პოზიციის შენარჩუნების ვალდებულებები კონკრეტულმა ადამიანმა ვერ დაძლიოს, ვერ ზიდოს. ამასთან დაკავშირებით არანაირი პრეტენზია არ შეიძლება გქონდეს, ვინაიდან ცხოვრება გაცილებით საინტერესო და მნიშვნელოვანია, თუ საკუთარ სახელმწიფოს ემსახურები, რომელ პოზიციაზეც არ უნდა იყო", - განაცხადა გია ვოლსკიმ", - განაცხადა გიო ვოლსკიმ.

ამასთან, გია ვოლსკის კითხვა დაუსვეს გავრცელებულ ინფორმაციაზე, რომ გიორგი ხელაშვილი პარლამენტის თავმჯდომარის მრჩეველი იქნება. ვოლსკის თქმით, ამ პოზიციას საკმაოდ პასუხისმგებლიანი ადამიანი სჭირდება.

„ეს არ არის დაქვეითება გარკვეულ პოზიციასთან დაკავშირებით. ვიტყოდი, რომ საკმაოდ პასუხისმგებლიანი ადამიანი ჭირდება ამ პოზიციას", - განაცხადა გია ვოლსკიმ.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×