რეზონანსი
30.03.2023

ჩინეთი იყენებს ვლადიმერ პუტინის სისუსტეს, რათა მაქსიმალურად გაზარდოს თავისი გეოპოლიტიკური გავლენა რუსეთზე, რაც იწვევს ძალაუფლების ბალანსის შეცვლას ორ დიდი ხნის მოკავშირეს შორის, - ამის შესახებ ევროკომისიის პრეზიდენტმა, ურსულა ფონ დერ ლაიენმა განაცხადა.

ევროკომისიის პრეზიდენტის თქმით, ჩინეთის როლი უკრაინის ომში იქნება გადამწყვეტი ფაქტორი, რომელიც განსაზღვრავს ბრიუსელსა და პეკინს შორის ურთიერთობას.

ურსულა ფონ დერ ლაიენის განცხადებით, ნებისმიერი სამშვიდობო გეგმა, რომელიც, ფაქტობრივად, გააძლიერებს რუსეთის მხრიდან ანექსიას, არ არის სიცოცხლისუნარიანი გეგმა.

ევროკავშირის მაღალჩინოსანმა ბრიუსელისა და პეკინის ურთიერთობებს გართულებული უწოდა და პირდაპირ დაადანაშაულა პეკინი თავისუფალი ვაჭრობის წესრიგის დარღვევაში, მცირე ზომის ქვეყნების დაშინებაში, ადამიანის უფლებების დარღვევაში, მისი სამხედრო პოზიციის გაძლიერებაში და დეზინფორმაციისა და იძულების კამპანიების გააქტიურებაში მთელს მსოფლიოში.

„ჩინეთმა ახლა გვერდი აუარა რეფორმების, გახსნის ეპოქას და გადადის უსაფრთხოებისა და კონტროლის ახალ ეპოქაში. ჩვენ შეგვიძლია, ველოდოთ აშკარა ბიძგს, რომ ჩინეთი ნაკლებად იყოს დამოკიდებული მსოფლიოზე და მსოფლიო უფრო მეტად იყოს დამოკიდებული ჩინეთზე. ჩინეთის კომუნისტური პარტიის აშკარა მიზანია საერთაშორისო წესრიგის სისტემური ცვლილება, რომლის ცენტრშიც ჩინეთია. ჩვენ ეს ვნახეთ ჩინეთის პოზიციებთან ერთად მრავალეროვნულ ორგანოებში, რაც აჩვენებს მის გადაწყვეტილებას, ხელი შეუწყოს მსოფლიო წესრიგის ალტერნატიულ ხედვას. მე მჯერა, რომ არც მიზანშეწონილია და არც ევროპის ინტერესებშია ჩინეთიდან განცალკევება. ჩვენი ურთიერთობები არ არის შავი ან თეთრი და არც ჩვენი პასუხი არ შეიძლება, იყოს ასეთი. ამიტომ ჩვენ გვჭირდება ფოკუსირება რისკის შემცირებაზე და არა - განშორებაზე, მაგრამ ჩვენი ურთიერთობა გაუწონასწორებელია და უფრო მეტად დაზარალებულია ჩინეთის სახელმწიფო კაპიტალისტური სისტემის მიერ შექმნილი პრობლემებით", - განაცხადა ურსულა ფონ დერ ლაიენმა.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×