რეზონანსი
01.04.2023

ექსპერტი ზურაბ ქადაგიძე 7-9 მარტს გამართულ საპროტესტო აქციებზე დაფიქსირებული ძალადობრივი მოვლენების გამო დაკავებული ლაზარე გრიგორიადისის ირგვლივ განვითარებულ მოვლენებს აფასებს.

მისი თქმით, გრიგორიადისის მხარდამჭერები, ძალადობას აპროტესტებენ იმ ფონზე, როცა პოლიციელისთვის ცეცხლის წამკიდებლის გამართლებას ცდილობენ. როგორც ქადაგიძე აღნიშნავს, დაკავებულის სექსუალური ორიენტაცია არაფერ შუაშია იმ ფაქტთან, რომ ძალადობის ჩამდენმა პირმა კანონის წინაშე პასუხი უნდა აგოს.

„ერთი ხელით ვითომ ძალადობას აპროტესტებენ-ხოლმე და მეორე ხელით პოლიციელის ცეცხლის წამკიდებელს ამართლებენ! საით მიგყავთ თემა? ვის რაში აინტერესებს მაგისი სექსუალური ორიენტაცია, მოძალადეა ჩვეულებრივი და უნდა დაისაჯოს! პოლიციელები მოსაკლავად გაიმეტა და ესენი მხარს უჭერენ. ესაა ნაცების რეალური სახე!" - წერს ზურაბ ქადაგიძე.

საქალაქო სასამართლომ 7-9 მარტის აქციასთან დაკავშირებით დაკავებულ ლაზარე გრიგორიადისს პატიმრობა შეუფარდა. პროკურატურის მიერ გავრცელებულ განცხადებაში ნათქვამია, რომ ბრალდებულმა 9 აპრილის ქუჩაზე შს სამინისტროს განსაკუთრებულ დავალებათა დეპარტამენტის თანამშრომლების მიმართულებით, რომლებიც სამსახურებრივ მოვალეობას ასრულებდნენ, ორჯერ ისროლა ე.წ. მოლოტოვის კოქტეილი. ასევე, ბრალდებულმა განზრახ წაუკიდა ცეცხლი შინაგან საქმეთა სამინისტროს კუთვნილ ავტომანქანას, რომელიც ადგილზე დაიწვა.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×