რეზონანსი
05.06.2023

კონსერვატიული პორტალის "საქართველო უპირველეს ყოვლისა" დამფუძნებელი, ვატო შაქარიშვილი, ელენე ხოშტარიას ოჯახისთვის რუსეთის ბიუჯეტიდან რამდენიმე მილიონი რუბლის ჩარიცხვას ეხმაურება.

შაქარიშვილის თქმით, 19 მაისს, ხოშტარია საქართველო-რუსეთს შორის პირდაპირი ფრენების აღდგენას აპროტესტებდა, რამდენიმე დღეში კი სწორედ რუსეთის საბიუჯეტო ორგანიზაციიდან მიიღო თანხა, რაც ფარისევლობაზე მეტყველებს.

"19 მაისს განახლდა პირდაპირი ფრენები საქართველოსა და რუსეთს შორის. ვნახეთ ლяკა ამ ამბით აღშფოთებული და ეროვნულ-თავმოყვარეობა შელახული, როგორ ცდილობდა აეროპორტის ასაფრენ ბილიკზე შეღწევას, რომ რუსული თვითმფრინავის ბორბალი არ შეხებოდა ქართულ მიწას. სამ დღეში, 22 მაისს იმავე ლяკას რუსეთის საბიუჯეტო ორგანიზაციიდან მორიგი ტრანში ჩაერიცხა, მსუყე თანხა 2.5 მლნ რუბლი!

რუსული კანონი, რუსული ფრენები, რუსული ქორწილი კი არა, რუსული ფული პირდაპირ რუსეთის ბიუჯეტიდან, პირდაპირ ხოშტარიას ჯიბეში! ამ დროს რა ხდება, აღარ არის ოკუპირებული 20%?! ანწუხელიძე გავიწყდებათ?! ოთხოზორია?! გამყოფი ხაზი...?! ფარისევლები და აფერისტები ხართ მეტი არაფერი! ფარისევლობა მძვინვარებს ჩვენს ქვეყანაში და სამწუხაროდ არა მარტო ჩვენთან! სახელმწიფო დეპარტამენტი რას ამბობს? სანქციებს არ განიხილავს?! ზელენსკიმ "აირზენა" რომ შეიყვანა სანქცირებული კომპანიების სიაში და ლяკას წითელი ხალიჩით ხვდება კიევში, ეს რას გვეუბნება?! არ გვინდა ნუ დაასანქცირებთ, ჩვენ მივხედავთ, დიდი ხანია ამათაც და მათ პატრონებსაც ქართველმა ხალხმა უკვე დაადო მთავარი სანქცია!" - წერს ვატო შაქარიშვილი Facebook-ზე.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×