რეზონანსი
01.03.2024

საფრანგეთი არ გაგზავნის თავის ჯარს უკრაინაში საომარ მოქმედებებში უშუალო მონაწილეობის მისაღებად, - ამის შესახებ ქვეყნის საგარეო საქმეთა მინისტრმა სტეფან სეჟურნემ France Inter-ის ეთერში განაცხადა.

„ფრანგები არ დაიღუპებიან უკრაინისთვის. ჩვენ არ გავგზავნით ჯარს", - აღნიშნა სეჟურნემ.

ამასთან, საფრანგეთის საგარეო საქმეთა სამინისტროს ხელმძღვანელის თქმით, „დამკვიდრებულია მკაფიო ჩარჩო: დავამარცხოთ რუსეთი მის წინააღმდეგ ომის გარეშე და ამ კონტექსტში გამორიცხული არაფერია".

შეგახსენებთ, პარიზში, უკრაინის საკითხზე გამართული შეხვედრის შემდეგ საფრანგეთის პრეზიდენტმა ემანუელ მაკრონმა განაცხადა, რომ არ შეიძლება გამოირიცხოს უკრაინაში დასავლეთის ქვეყნების სამხედროების გაგზავნა.

მაკრონის ამ განცხადების შემდეგ, ნატო-ს ქვეყნების უმრავლესობამ, მათ შორის აშშ-მა, გაერთიანებულმა სამეფომ და გერმანიამ უკრაინაში მათი სამხედროების გაგზავნის შესაძლებლობა გამორიცხეს.

ემანუელ მაკრონმა აღნიშნულ საკითხთან დაკავშირებით კომენტარი გუშინაც გააკეთა და აღნიშნა, რომ უკრაინაში დასავლეთის ქვეყნების სამხედროების განლაგების შესახებ მისი განცხადებები „გამოზომილი და გააზრებული" იყო.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×