რეზონანსი
02.03.2024

როგორ შეიძლება ჩვენს ძვირფას ადამიანზე, პატრიარქზე მკრეხელური განცხადების გაკეთება, - ამის შესახებ პარტია „ქართული ოცნების" თავმჯდომარემ, ირაკლი ღარიბაშვილმა განაცხადა.

ირაკლი ღარიბაშვილს კითხვა დაუსვეს საქართველოს პრეზიდენტის, სალომე ზურაბიშვილის ლონდონში, Chatham House-ის მიერ ორგანიზებულ ღონისძიებაზე გაკეთებულ განცხადებაზე, სადაც საქართველოს ეკლესიის როლის შესახებ დასმულ კითხვაზე საპასუხოდ აღნიშნა: „ეკლესიასთან დაკავშირებით კომპლექსური ვითარებაა, ერთ-ერთი მიზეზია პატრიარქის სისუსტე. ვიმედოვნებ, ეკლესია შეძლებს, აირჩიოს პროქართველი, პროევროპელი და არა პრორუსი პატრიარქი".

როგორც ღარიბაშვილმა აღნიშნა, სალომე ზურაბიშვილმა თავისი სახე წარმოაჩინა.

„როგორ შეიძლება, ჩვენს ძვირფას ადამიანზე, პატრიარქზე რომ ასეთ მკრეხელურ განცხადებას გააკეთებს ადამიანი და, მით უმეტეს, ვინ, პრეზიდენტი, აქ საქმე გვაქვს დიდ ანტიქართულ მოვლენასთან, ეს არის შეტევა პატრიარქზე, ეკლესიაზე, ეს თავად სალომე ზურაბიშვილის სახეს წარმოადგენს. ნიღაბი, რაც მას ჰქონდა მთელი ამ პერიოდში, ის არის ჩამოხსნილი", - განაცხადა ღარიბაშვილმა.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×