ცესკოს პრესსპიკერის ნათია იოსელიანის განცხადებით, საოლქო და საუბნო საარჩევნო კომისიის წევრების დაკომპლექტების წესთან დაკავშირებით ცრუ ბრალდებები ხშირად ისმის, თუმცა არჩევნების მუშაობის დროს კომისიის მიმართ გაჟღერებული ბრალდებები არასდროს დასტურდება.

„ყოველი არჩევნების წინ გვესმის ბრალდება, მაგრამ საოლქო და საუბნო საარჩევნო კომისიის მუშაობის დროს არასდროს დასტურდება მსგავსი ბრალდებები. ჩვენ მოვუწოდებთ და კიდევ გვინდა შევახსენოთ ჩართულ მხარეებს, რომ დააკვირდნენ არჩეული საუბნო და საოლქო საარჩევნო კომისიის წევრების მუშაობას. ჩვენი სამუშაო სპეციფიკიდან გამომდინარე, ჩვენი საქმიანობა არის ღია და გამჭვირვალე", - აღნიშნა იოსელიანმა.