"მხოლოდ ახალი არჩევნები განმუხტავს ძალიან ღრმა კრიზისს" - ამის შესახებ საქართველოს მესამე პრეზიდენტი, მიხეილ სააკაშვილი სოციალურ ქსელში წერს.
მისი თქმით, "ქართულმა ოცნებამ" შეიძლება უკანონოდ დაკავებული ადამიანები გაათავისუფლოს, თუმცა თუ არაფერი შეიცვლება, მომავალში კიდევ უფრო ბევრს დაიჭერს.
მთლიანად ვეთანხმები ნიკა გვარამიას და სხვებსაც, რომ მხოლოდ ახალი არჩევნები განმუხტავს ძალიან ღრმა კრიზისს.
რა თქმა უნდა, დაკავებულების გამოშვება მნიშვნელოვანია, მაგრამ ამ მძევლებს ოლიგარქი იყენებს სავაჭროდ, გამოუშვებს ახლა და თუ არაფერი შეიცვალა, მომავალში კიდევ უფრო ბევრს დაიჭერს.
ამიტომ დარწმუნებული ვარ, რომ უახლოეს მომავალში ყველა დაკავებულს გამოუშვებს, მაგრამ ამით თავი არ უნდა გავასულელებინოთ”, - წერს მიხეილ სააკაშვილი.