რეზონანსი
21.01.2025

ეს იყო ერთგვარი სპეცეფექტების შექმნა და იმის მტკიცება, რომ ვითომ ნამდვილად რაიმე ოფიციალური მოწვევა ჰქონდათ, - განაცხადა ევროპასთან ინტეგრაციის საპარლამენტო კომიტეტის თავმჯდომარემ, ლევან მახაშვილმა ოპოზიციის წარმომადგენლების ტრამპის ინაუგურაციაზე გამგზავრებაზე.

„ოპოზიცია რასაც ცდილობდა იყო ერთგვარი სპეცეფექტების შექმნა და იმის მტკიცება, რომ ვითომ ნამდვილად რაიმე ოფიციალური მოწვევა ჰქონდათ. რეალურად ოფიციალური მოწვევა თეთრი სახლისგან არცერთ დიდ ლიდერს მითუმეტეს ევროპაში არ მიუღია, გარდა იტალიის და უნგრეთის პრემიერ-მინისტრებისა. გარეთ დგამენ რაღაც შოუებს, გარეთ ხელოვნურად ამ შოუების საშუალებით არწმუნებენ საკუთარ მოსახლეობას, რომ რამეს წარმოადგენენ. სინამდვილეში, ყველამ კარგად ნახა რას წარმოადგენენ“, - განაცხადა მახაშვილმა.

აშშ-ში საგანგებოდ გამგზავრებული ზურაბიშვილი და ოპოზიციონერები საინაუგურაციო დარბაზს მიღმა აღმოჩნდნენ. შეერთებული შტატების 47-ე პრეზიდენტის ინაუგურაციის პროცესს სალომე ზურაბიშვილი თვალს კაპიტოლიუმის ფოიეში დამონტაჟებულ მონიტორზე ადევნებდა. მამუკა ხაზარაძე და ბადრი ჯაფარიძე კი ინაუგურაციის მიმდინარეობისას, ღია ცის ქვეშ იმყოფებოდნენ.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2025 by Resonance ltd. . All rights reserved
×