გიორგი ვოლსკი ეხმიანება არასამთავრობო ორგანიზაციების მიერ დაანონსებულ აქციას, რომელიც „მეგობარი აქტის" მხარდასაჭერად დაორგანიზდა. პარლამენტის თავმჯდომარის პირველი მოადგილის თქმით, ეს არის უსამშობლოთა აღლუმი, რომელიც უშედეგოდ დასრულდება.
„მეგობარ აქტზე" თუკი ვისაუბრებთ, გამოჩნდება მთელი რიგი უზუსტობები, უსამართლობა და ორმაგი სტანდარტი. არ შეიძლება, ხელისუფლებას, რომელიც დღეს საქართველოს მართავს, უწოდო ანტიევროპული ან ანტიდასავლური მაშინ, როდესაც ამდენი ხნის განმავლობაში ელოლიავებოდი ხელისუფლებას, რომელიც ადამიანებს ტანჯავდა, სიცოცხლეს, ღირსებასა და ჯანმრთელობას ართმევდა. იმ ხელისუფლებას არავითარი დემოკრატიული და ევროპული არ ეტყობოდა
რაც შეეხება აქ გამოხმაურებას და ასეთ გააფთრებულ ტაშ-ფანდურს, ერთ სახელი შეიძლება ეწოდოს - უსამშობლოთა აღლუმი", - აღნიშნა გიორგი ვოლსკიმ.
არასამთავრობო ორგანიზაციები მორიგი პერფორმანსისთვის ემზადებიან. საქართველოს წინააღმდეგ მიმართული აქტის განხილვის მხარდასაჭერად, ოპოზიცია თბილისში შეკრებას და დოკუმენტში გამოთქმული ცრუ შეხედულებების მხარდაჭერას გეგმავს.