ხაშურში ახალგაზრდა მამაკაცი დაჭრეს – ინფორმაციას ადგილობრივი გამოცემა “მოზაიკა” ავრცელებს.

თვითმხილველების ცნობით, შემთხვევა ჭალის უბანში, სტადიონზე მოხდა.

„გულში დაარტყეს დანა, სასწრაფომ წაიყვანა” – ამბობენ ადგილობრივები.

შსს-მ ერთი პირი დააკავა გამოძიება სსკ-ს 19-108 მუხლით მიმდინარეობს, რაც განზრახ მკვლელობის მცდელობას გულისხმობს.

დაჭრილს გადაუდებელი ოპერაცია ჩაუტარდა.